終於食到千海水產海鮮火鍋放題
我們去左淘大那邊的千海水產食放題，入場已經覺得好誇張，自助撈海鮮區域好多新鮮生猛既海鮮，我們專攻大頭蝦，鮑魚，真心覺得自己好傻仔，呢度有乜可能驚俾人搶曬，因為店員不停補貨無限量任撈任煮，所以真係無有怕，想食乜就撈吧
海鮮區有大頭蝦，蝦頭勁多橙黃色既蝦膏，肉質爽口，紅蝦肉質較鮮甜，草蝦好乾淨。鮑魚大大隻，生前活躍，滾熟後軟嫩鮮甜。花甲無沙，白蜆肉厚，蜆類都好香甜。三點蟹的蟹腳不停揮舞，海鮮真係要食幾轉就回本了。
我們叫了蟹皇海鮮湯，食海鮮都係要食得鮮味，蟹皇都好多，仲有不少鮮蝦，湯頭很鮮甜。店員教了我們滾生蝦的技巧，老公已經掌握到，覺得幾好玩，記得要用圍裙就唔會搞到件衫都係湯汁了。
熟食都唔錯，叫了川味燒鮮蠔，蠔肉飽滿又大隻，蒸蓉辣椒滿滿的，鮮甜帶點刺激。乳鴿肉質香軟，外皮香脆。鐵板鵝肝多士都叫左2碟，多士香脆，鵝肝大件又甘香，仲要煎到微微金黃，正。雖然主力食海鮮，但都唔好錯過澳洲m5和牛，肉質嫩滑，叫埋海燕窩椰汁燉木瓜，要趁熱食，木瓜清甜滋潤。
@theaquaticmarket_kb
千海水產海鮮火鍋放題
牛頭角道77號淘大商場3期2樓S154, S162及S155-S158號舖
(此文章由U Blog 同步發佈至社群)...更多
