勁好味既沙田區泰式打邊爐

我想話佢個冬陰功湯底勁好味！
唔食得辣既可以食椰子雞湯，都唔弱。
我今次叫左個海鮮寶盒，5百幾蚊，送湯底，湯底可以鴛鴦鍋都得，唔駛加錢 。

其實個冬陰功湯底唔係好辣，但就好惹味。
椰子雞湯我發現滾菜係會好味過冬陰功湯，會更鮮味 。

餐廳環境都唔錯，坐位舒適 。
適逢就快聖誕，一坐底餐廳就送左盒小積木俾我小朋友做聖誕禮物，都幾窩心 。

餐廳其實仲有兒童餐，$38 only. 不過今次冇叫 。

結論係，呢間餐廳值得再去，因為真係好好味呀！

#我想收聖誕禮物
#聖誕快樂