穿水迷思，穿左水係咪一定要生？

我係未足月33 週嘅時候612 零晨穿咗水,初初以為分秘,但底褲同床都濕晒,即刻入咗伊利沙伯醫院,因為私家醫院係唔會收我呢個情況(少過36週),好多人以為穿左水一定要生? 其實係可以臥床,打強肺針(催熟bb 肺部),種豆打抗生素五日,每日口服食抗生素一日4次,每日抽血check 血嘅炎症指數決定bb要唔要早出世!我個個星期都比較難堐,幸好沒有見紅同肚痛! 我初初問醫生係高位定低位穿水,佢話穿就穿,因為羊水係鹼性,一驗就知! 一般穿水最多中位數7-10 日就會作用,打抗生素目的都係驚細菌感染胎盤!當時我仲驗埋B鏈球菌,醫生話如果仲有B鏈球菌就唔使諗㗎啦! 好在我都沒中,但到6-7 日炎症指數升左,同胎水開始少,雖然BB 會屙尿分泌,最後619 就開刀出世! 胎盤低都係我不能順產嘅因素,破壞咗一路想順產嘅目標!但開刀係咪真係唔痛?下一個topic 再分享! IG: https://instagram.com/aleishayanheidi?igshid=YmMyMTA2M2Y= https://www.instagram.com/loongloong2024?igsh=NDc4ZmE4MHd3cW1v&utm_source=qr #UCreatorHK#育兒心得#開刀生仔#順產#公家醫院#穿水#生仔#早產兒#bbkol#bloggerhk#Aleishayanheidi#Loongloong2024