2024/12/29

【摙車⁉️摙花車⚔️】有戰鬥模式既花車巡遊🔥

進入社群創作有價企劃行列第二階段,我除繼續運用日文一級能力為大家上網搜羅與日本期間限定情報､打卡資訊及優惠情報外,希望大家從我的文章亦會得到一絲快樂,舒緩每天工作的辛勞🫶🏻 ———————— 喺香港無論迪士尼嘅花車巡遊, 定還是新年嘅花車巡遊, 大家都係一個跟一個爭妍鬥麗咁行駛｡最多隻米奇老鼠揮下手咁啫, 但日本呢個左義長祭就唔同啦! 左義長祭分兩日舉行, 第一日(2025年3月15日)大家都係選美咁, 排着隊咁喺日牟禮八幡宮附近既舊城下町進行一般既花車巡遊｡日間喺白雲館前仲有太鼓表演, 之後遊到夜晚就公布邊一架花車得獎啦! 左義長祭去到呢度仲係好正常, 你會覺得就係一般既花車巡遊啦! 但第二日(2025年3月16日)就精彩啦, 朝早神社搞完祭祀儀式後, 中午到黃昏時段, 各個左義長隊伍就會喺舊市街地自由遊走｡走下走下, 大家各隊花車唔見都好地地, 如果狹路相逢既話, 就會上演一場聲勢浩大既鬥車環節｡正所謂瞓醒覺又一條好漢, 琴日輸咗, 今日見到, 點都唔可以再輸陣｡作為遊客嘅你, 我建議要喺第二日黎｡畢竟排好隊嘅花車巡遊, 香港都成日見㗎啦! 要睇既緊係睇啲會叫陣既花車啦! 之後佢哋摙完車, 到夜晚就會進行一場集體嘅放火活動🔥 係奉火先啱😆 燒鬼晒啲花車佢, 代表著對前一年收穫的感恩, 都寄託著對新一年豐收的祈望｡其實左義長祭每年都會舉行, 而佢嗰啲花車設計得好特別, 前面會以當年嘅生肖以食物作原材料去構成｡就係感恩前一年嘅豐收, 同埋對將來嘅期許｡所以今次你哋會見到, 所有嘅花車前面都會有蛇形🐍圖案｡呢個左義長祭係由織田信長當年發起嘅, 相傳佢會穿上艷麗嘅服裝, 與民同樂｡所以你會見到每架車都有個男人化晒妝咁, 企正喺車頭｡佢哋咪就係想復刻織田信長囉! 呢個活動夠晒熱鬧, 又完全免費｡不過大家就預咗多人囉! 活動地點:日牟禮八幡宮滋賀県近江八幡市宮内町257 日期:2025年3月15-16日由於我通常介紹一啲期間限定既資訊, 想快速一覽你出遊既時候有冇相關活動資訊, 我按月份為我既文章加左hashtag ｡歡迎按下文章最尾的相應月份瀏覽仲有咩好野玩😉 去開日本玩既可以睇埋我另外一啲post, 或者去我地圖睇下, 睇下附近會唔會有我介紹過既地方? 全部都幾有趣既分享黎架! 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網(https://www.sagicho.net)｡ ———————— 如果大家見到有咩優惠/活動,但因為日文而唔識睇,可以話我知,我可以繼續出POST 話俾大家知｡想知更多優惠/活動資訊,就FOLLOW 我俾D動力我啦! THANKS. #ucreatorhk #ucreator #momentswithucreator #日本好去處 #日本之旅 #日本 #日本食玩瞓 #日本旅行 #日本自由行 #日本旅遊 #日本攻略 #日本旅遊攻略 #日本好玩景點 #日本展覽 #日本event #event #打卡美食 #打卡 #打卡好去處 #打卡必去 #打卡able #goodhairday #京都 #京都旅行 #京都自由行 #京都之旅 #京都観光 #大阪 #大阪自由行 #大阪旅行 #大阪好去處 #名古屋 #名古屋自由行 #滋賀 #滋賀県 #mar2025 #天下奇祭 #翻譯君睇祭典 ...更多