第一次去宜蘭，又認識到台灣另一面 😅

#宜蘭 同台北係兩個世界。台北坐火車到宜蘭約1小時，落車後好似去咗一個大型小鎮。月台冇乜人，非常寧靜，感覺好舒服。❤️❤️ > 抵達宜蘭車站時，環境好寧靜，腳步都放慢行。 今次主要遊 #頭石鎮 ，景點集中啲。印象最深係宜蘭博物館。博物館位於烏石港濕地公園，附近有好多濕地生態嘅動植物。外面睇博物館好似浸喺水面，同個景色好襯。👏👏 > 博物館採用天然光，將戶外景色帶入博物館。 > 博物館外觀。 博物館分幾層，分別介紹宜蘭天氣、地貌、人文歷史，每個展區介紹好深入。最吸睛係吊在館中的巨型魚化石。睇幾耐？真係見仁見智。 > 認識台灣歷史好地方。 > 博物館展出當時人日常生活 > 化石難得保存原整。 喺外圍走個圈，發現從內到外都整座館融入宜蘭自然環境。雖然展出的歷史同我哋有啲遠，但想了解台灣的話就值得參觀。 > 博物館遠觀 > 博物館近觀。 睇完博物館，行去#烏石漁港 食午餐。魚市場閒日好靜，可以喺呢度買海鮮，攞去上面餐廳煮。喺餐廳叫幾種海鮮，唔貴，最鍾意是蘆筍沙律，150台幣，簡單一道菜，只要新鮮，就已經好好食。食埋酥炸蟹肉、魷魚、海蜆。#一個人旅行 乜都想試，自然食多咗。😅 > 新鮮海鮮當然最好食 餐廳窗口望到 #龜山島 ，出海有機會睇到鯨魚，嗰日行程緊密就冇去，加上要賭運氣。🐳 食完午餐，等車去 #頭城濱森林公園 。公園內的八角瞭望塔有段古。行上旋轉樓梯海岸線就一覽無遺，更清楚睇到龜山島。 > 博物館附近有公車到公園。 > 八角樓，入面影相都幾靚。 > 享受呢刻寧靜，遠望就係龜山島。 最後，梗係獎勵自己，去 #阿宗芋冰城 食返個芋頭雪糕。雪糕軟綿綿，有少少芋頭粉，好好味，難怪咁多人排隊。 遊宜蘭最大問題係交通。公車唔多，要睇住行車時間表，最好租車自駕遊，麻煩啲，但宜蘭氣氛感覺絕對一流，值得。個人覺得比 #高雄 更多嘢玩。 #宜蘭縣 #宜蘭景點 #尋找你的旅行背包 #阿宗芋冰城 #台灣 #高雄 #宜蘭 #蘭陽博物館 #一個人旅行 #龜山島 #台北近郊 #宜蘭景點 #宜蘭縣 #尋找你的旅行背包 #尋找你的旅行背包台灣篇 #頭石鎮 #烏石漁港 #頭城濱森林公園 #阿宗芋冰城 (此文章由U Blog 同步發佈至社群)