深圳蟹道🦀 食蟹之旅
嚟咁多次深圳,第一次去食蟹!今次就去超多人推薦嘅高端蟹料理專門店｢蟹道｣,午市套餐人均三百多,性價比極高!
餐廳內外都以蟹為主題,環境高級雅致,私密性好高,又有專人服務,重點係品質有保證,承諾唔會換蟹!佢哋嘅海鮮池有好多生猛海鮮,當然唔少得主角｢松葉蟹｣,隻隻都超大隻架!
今次我哋食午市松葉蟹套餐,一蟹六吃,先來餐前水果及前菜!
【前菜】櫻花松葉蟹海膽豆腐
櫻花色嘅嫩滑豆腐,搭配海膽､松葉蟹肉及魚籽,好開胃!
【刺身】松葉蟹腿松花刺身
松葉蟹腿刺身晶瑩剔透,入口非常鮮甜,口感冰涼爽脆好特別!
【鍋物】松葉蟹鍋物料理
蟹肉經高湯煮熟後十分鮮甜,仲有專人幫手拆蟹肉,好貼心,不費力就可以食到啖啖肉!
【烤物】松葉蟹腿松針燒
用松針嚟炭燒松葉蟹腿,帶有獨特嘅香味,蟹腳啖啖肉又多汁!
【蒸物】茶香香柚海膽鑲松葉蟹
用上香柚作器皿,加入茶湯烹煮,令海膽和松葉蟹肉既有茶香亦帶有柚子清香味,口感豐富,滿滿的鮮甜味!
【強肴】松葉蟹腿關西泡菜燒
松葉蟹腿與關西泡菜的搭配十分新穎,酸酸辣辣 好惹味
【揚物】果木櫻花蝦蟹肉餅
蟹肉餅煎至兩面金黃,帶有些許果木香氣,結合蝦嘅彈牙,蟹嘅鮮味,肉質緊實彈牙
【時蔬】時令野蔬盛和之
用煮完松葉蟹嘅高湯底碌野菜,野蔬充滿松葉蟹嘅鮮味甜味!
【食事】蟹黃雜炊
滿滿松葉蟹精華嘅湯底加入米飯､蟹膏熬煮成粥,食落超鮮甜!
【甘味】蕨餅
最後來個蕨餅大福🍧,非常滿足!
蟹道
地址:福田區益田路平安金融中心北塔5層L503-504號
地鐵:距地鐵1號線/3號線購物公園站D口
營業時間:營業時間:週一至周日 11:30-14:00 17:00-21:30
#深圳美食#蟹料理#平安金融中心PAFC#蟹道#海鮮#福田美食#港人北上攻略#深圳必食 ...
更多
下載 U Lifestyle應用程式
香港經濟日報版權所有©2025
