2025/01/07

[柯士甸］米芝連推介老字號臘味煲仔飯專門店🍲

去完西九文化區可以行去柯士甸附近既文匯街,呢度有間榮獲米芝連推介專食臘味煲仔飯既老字號,距離柯士甸站都係4分鐘路程,隔離已經係佐敦,真係好方便😌而家秋冬季節食煲仔飯就最岩不過啦,食完全身暖笠笠出面幾凍都唔怕啦🤭店舖既臘味來自自家工場真材實料,不含添加防腐劑~最特別既係佢地推出自家製盒裝煲仔飯及自熱煲仔飯,係屋企都可以食到米芝連水準既煲仔飯啦餐廳裝修新穎又雅致,有別於傳統老字號店舖裝修風格,光線柔和環境寧靜,帶比人一種好舒服既感覺,而且店員好有禮貌同耐性主動加茶,仲會幫你刮飯焦~一坐低會問你想飲咩茶,可以揀鐵觀音､普洱､玄米茶､菊花茶 ————————————————————————————— ♦️廣式臘味煲仔飯(二人份):煲仔飯用左廣式臘肉､鮮肉臘腸､南安板鴨製作而成,南安板鴨更用左茅臺酒與土豬鲜肉秘制,堪稱“臘中之王”~臘腸用3肥7瘦豬肉再用花雕酒浸過,所以帶有少少甘香亦唔覺肥膩,咬一啖油滲入口中好香😍臘肉入口即溶肥瘦均勻,口感層次豐富,油香味吸引你會想再食下一塊~臘鴨肉質飽滿緊實,鴨味濃郁鹹香味十足👍🏻飯選用黑土種植五常米,再用大火煮至粒粒分明,臘味油香滲晒落啲飯度,飯吸收晒油香再配以店舖秘製豉油,每啖夾雜着臘味油香味,口感豐富令人一試難忘🥰中段會有店員幫手刮飯焦,飯焦夠酥脆咬落去脆卜卜,惹味十足 ♦️辣子雞丁🐔:用左炸蒜､辣椒､花生､蔥爆炒,蒜香同麻辣味十足,花生好香口,辣度十足好惹味~雞肉切成細細粒易入口,中意辣既可以試試 ♦️薑汁炒芥蘭:薑味唔會話好重岩岩好已經辟走芥蘭苦澀味,芥蘭鮮甜又爽口評分🖍️(滿分為5個🌕) 抵食指數:🌕🌕🌕🌕🌕 服務質素:🌕🌕🌕🌕🌕 環境:🌕🌕🌕🌕🌕 味道:🌕🌕🌕🌕🌕 📍 憶食尚臘味煲仔飯 (佐敦) 佐敦文匯街22-24號地下2-4號舖 #UCreatorHK #BESTFOODwithUCreator #憶食尚 #香港美食 #佐敦煲仔飯 #煲仔飯 #米芝蓮食家 #佐敦美食 #真材實料 #打卡熱點 #香港旅行 #香港旅遊攻略 #香港美食指南 #週末探店 #憶食尚臘味堡仔飯 #懶人仔飯 #懶瀨人恩物 #臘味煲仔飯零售包 #川味臘腸堡仔飯 #真材實料 #廣式臘肉 #全新菜式 #Claypot #ClaypotRice #selfcooking #自家製 #遠離敏感肌 #我想去AIA嘉年華 #九龍美食 ...更多