今日去元朗接朋友放工，佢話平時經過見到都好多人,好想試吓係咪咁好食。
而家仲有promotion，主菜餐牌做緊半價!😀
兩個人食，只係揀左慢煮紅菜頭三文魚，同埋麵鼓燒春雞配美國炒蛋，加埋飲品Lemongrass & Ginger ice tea、Ninetys Coffee Beer (fruity)。
🔴🐟慢煮紅菜頭三文魚 $198
第一眼望到件三文魚，因為紅菜頭醃過，紅得嚟影相好靚。食落味道帶有紅菜頭嘅微微甜味，搭配鮮味嘅三文魚，好鍾意呢份特別配搭嘅味道。
配菜薯蓉勁重牛油香味，仲有就係用左薏米嚟做配菜，味道帶微酸，非常清新。
🐓🥚麵鼓燒春雞配美國炒蛋$228
雞皮都烤得幾靚，👍完全無油脂油膩、很滑、而且味道很香。雞肉都算幾滑，連雞胸都唔覺得嚡🍗。
炒蛋同樣都係勁香牛油味，厚厚實實嘅口感都唔錯。
伴碟配菜有同三文魚一樣嘅薏米、紅椒、青椒，仲有非常新鮮嘅羽衣甘藍，味道很清甜。
☕Lemongrass & Ginger ice tea $58
薑味唔重，香茅味入口幾舒服。
🍺Ninetys Coffee Beer (fruit) $88
鍾意飲啤酒嘅真係值得試吓，非常容易入口，淡淡嘅麥味會喺口腔內略略停留，酒通過喉嚨時，先會滲出酒精嘅刺烈感，味道非常有層次。
最後真心要讚呢度嘅店員，啤酒上枱會問要唔要幫忙斟酒，收碟時會非常有禮地問可唔可以收，需要帶住口罩，但從眼神都可以感受到佢地嘅笑容。👍
NINETYs @YOHO Mall I
