2024/10/28

🌟深水埗米芝蓮推介點心店

身為香港人,一路有聽過添好運呢間點心舖,知道佢攞過好多年既米芝蓮,仲要開到去日本台灣,好多遊客黎香港都會食,但係自己就一路都冇食過🙈今次出開深水埗,順便過黎朝聖一下｡不過佢點心款式比我想像中少,價錢黎講唔算特別貴特別平,正路點心舖價錢,但係食到米芝蓮推介又好似幾值得咁🤡 1️⃣茶位($8/位) 唔同既茶係唔同既價錢,今次揀左呢款叫做瑰麗堂皇,其實係荔枝玫瑰花茶,飲落又幾夠濃,沖多幾次水都仲好夠味｡ 2⃣️酥皮焗叉燒包($33) 聽聞呢個係添好運招牌野☺️緊係要叫黎食｡佢個皮夠酥,叉燒餡甜甜地好好食｡ 3⃣️鮮蝦腐皮卷($36) 中間食到啲蝦肉,調味似係有啲沙律醬咁,但係只係少少唔會覺得膩｡ 4⃣️蛋白蝦春卷($34) 分開六小件,中間係有好多蛋白碎! 5⃣️韭王鮮蝦腸($35) 正常蝦腸,不過如果腸粉可以做到再滑少少就更好｡ 6⃣️黃沙豬潤腸($32) 見到係餐牌到有推薦,豬潤偏薄身,冇腥味,ok但係唔算特別｡ 7️⃣紅油抄手($35) 層雲吞皮夠薄!望落雖然好紅,但係食落唔算辣,就算唔食得辣既人應該都接受到,幾好食,但係愛辣人士就感覺唔夠滿足🙊 8️⃣蠔皇鮮竹卷($28) 佢比我係出面食開既細條｡但係又幾好食wor｡雖然係浸住醬汁,亦都係索到曬醬汁味道,但係食落唔會完全軟pat pat ,我幾鍾意! 9️⃣薑蔥牛肉角($42) 呢個係貪新鮮叫既｡入面係類似牛肉球既餡｡本身就唔鍾意牛肉球,所以呢款我都唔鍾意｡ 1️⃣0️⃣鮮蝦芝士荔枝球($40) 好大粒🤩而且造型都好靚｡炸得夠曬脆!最重點係一咬開,中間係流心既芝士!正!仲有原粒蝦肉係入面｡ 1️⃣1️⃣晶瑩鮮蝦餃($38) 蝦餃絕對係平時飲茶必點項目｡蝦肉佔比好重,層皮都唔會乾硬或者好痴牙,呢個好食! 好味:6.8/10 環境:6.7/10 性價比:7/10 添好運點心專門店 📍地址:深水埗福榮街9-11號地舖 📌有五間分店,另外四間係尖沙咀､中環､將軍澳同埋大角咀 #深水埗美食 #大角咀美食 #尖沙咀美食 #點心 #飲茶 #食好西 #吃貨人生 #添好運點心專門店 #添好運 #中環美食 #將軍澳美食 #酥皮焗叉燒包 #鮮蝦腐皮卷 #米芝蓮推介 #香港米芝蓮 #深水埗米芝蓮 #hkfoodie #hkig #hkfood #hkeat #hkfoodstagram #hkfoodblog #香港米芝蓮推介 #深水埗米芝蓮推介 #香港飲茶 ...更多