2025/03/26

受歡迎梗有原因嘅@揾食工房

約咗號稱”長期糧尾子”嘅友人交收，去佢屋企附近商場食埋飯先走，佢帶我去食呢間。大量卡位，裝修明亮，入坐率都九成半，佢話好多街坊真係當呢度係食堂架。先黎個小食，相信炸鷄翼無人會抗拒得到，至少我係 (哈哈)。三種味道(其餘為黑松露咸蛋黃/水牛城)。友人拍版要蜜糖芥末脆炸鷄翼配沙律 ($43)。沙律係好懷舊經典嘅雜果沙律，無花巧就係一食令人回憶返晒來。至於隻鷄翼外皮超熱脆，搽上蜜糖及唧上芥末，甜辣味令人回味。快手嘅可以食多一隻，YEAH!! 餐牌上其中呢頁寫住係將軍澳店限定，即係其他分店食唔到啦，咁就要食吓啦。送埋餐湯加牛油多士，白湯就一貫飲開嘅忌廉湯味道，反而件牛油西多就香脆，唔係一早整定等客叫。呢客鐵板極上紐約封門柳 ($153)，可配飯/意粉/薯菜。選配燒汁，放埋上鐵板上”慶”住。侍應落單時有問想要熟D定生D，呢客係五成熟，肉嘅份量絶對唔少。點少少燒汁，增加味道，水準唔差得過西餐廳，絶對抵食。薯菜係原隻焗薯，配上日式芝麻醬汁。跟餐加凍飲只需$6，凍檸茶就此出現。呢度嘅焗飯類應該幾受食客歡迎，見每枱都至少有一客食緊即跟隊，叫個焗鮮茄拿坡里鷄扒飯 ($59)，份量相當震撼，拿坡里醬及芝士幫呢客鷄扒飯”蓋被”。兩大塊鷄扒，肉質相當滑，啖啖肉食得輕鬆。炒飯底粒粒分明，配埋個醬汁食幾令人開胃，最終係食咗大半飯。想食點甜野，茶餐廳中就會諗起西多士。呢度仲有芝士流心西多 ($30)，超邪惡啦。未食已聞到香味，切開未見到流心狀態，味道有糖漿嘅甜及芝士嘅咸香味，幾得意。茶餐廳嘅價錢，但味道同食物選擇唔輸西餐廳，唔怪之得咁受街坊歡迎。 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #我係咖啡達人 #我要食Buffet #嗚啦吔哈 #浪漫旅人祭 #精簡護膚攻略 #偽素顏美肌攻略 #輕鬆出遊 #旅遊 #hkbeauty #hkblogger #hkfoodie #打卡 #hkfoodblogger #KOL #hkfoodblog #hklifestyleblogger #hkkol #社群 #ublog #bloggerhk #ULifestyle應用程式 #ULifestyleApp #ULifestyle社群密密送 #ULifestyleApp社群 #MOMENTSwithUCreator #UCreatorHK #社群創作有價企劃 #創作有價 #我係咖啡達人 #精簡護膚攻略 #嗚啦吔哈 #我要食Buffet #浪漫旅人祭 #偽素顏美肌攻略 #輕鬆出遊 (此文章由U Blog 同步發佈至社群)...更多