打卡靚餐廳《DHYC Dimsum Restaurant 》

將軍澳中式打卡靚餐廳《DHYC Dimsum Restaurant 》 位於將軍澳海旁，面向住無敵大海景既超靚中式點心餐廳👍🏻， 茶：碧螺春&龍井，兩種茶味幾濃郁，兩者比較下，龍井味道聞落比較香，而碧螺春飲落比較甘甜。另外，餐廳仲有唔同茶可供選擇，包括特級普洱、鐵觀音、烏龍等等。 點心：蝦餃 / 鵪鶉蛋松露燒賣 / 蒜蓉粉絲蒸鮮魷 / 牛肉球 / 招牌小籠包 蝦餃皮好煙韌，燒賣既鵪鶉蛋味道好香，蒜蓉粉絲有驚喜，酸辣汁配上粉絲好惹味，鮮魷非常彈牙，牛肉球多少少喼汁就好🤪，小籠包皮非常煙韌，肉汁鮮甜👍🏻， 煎焗炸點：焗叉燒包 / 蘿蔔絲酥餅 / 鮮蝦脆米網腸粉 焗叉燒包係成餐點睛之作，用咗菠蘿包既包皮，加上即焗即出，熱辣辣香噴噴，非常好食😋；而蘿蔔絲糕餅朋友好喜歡，內脆外軟，蘿蔔絲夠清甜；值得讚賞既係腸粉，師傅包得非常之好，唔會食一啖然後散曬，一啖一小口，師傅功夫一流， 總結，對住大海景食野特別寫意，雖然係夏天季節，但對住個海，所以都好清涼。店員態度非常好，雖然遲咗小小，但都非常有禮貌安排入座，然後介紹餐單。值得一提，呢間餐廳係歡迎毛孩去，用餐時隔離枱帶咗兩隻好可愛既狗仔，如果有養寵物既朋友都可以帶埋寵物去嗰度打卡食嘢，一定會好開心🤓。 《DHYC Dimsum Restaurant 》 將軍澳澳南海岸唐俊街23號MONTEREY Place 1樓2A號舖 #將軍澳#中菜#點心#打卡#寵物餐廳