因為釣勝於魚的關係，我呢幾年一直都去 價錢比較相宜的粉嶺摘士多啤梨🍓。
慢慢好似士多啤梨農場愈開愈多，喺好奇的情況下，一日去踩咗四個場，又睇下邊個最抵，邊個最吸引😉！
註:
👉當日係長假最後一日，所以相對熱門的農場收成係會差少少，價錢同平日亦有機會唔一樣。👉所有農場都唔收入場費，按磅數收費
👉建議先打電話確定有開再前往
A場 : 老徐特大農場 (信林農場沉香園)
農場位於雲泉仙館側，位置算係最方便，摘完士多啤梨仲可以去雲泉仙館睇吓花，影下相又或者食個齋。
雲泉仙館出面仲有唔少小攤檔買果乾魷魚絲等，有興趣仲可以買下手信。
農場本身都算出名，除咗有士多啤梨之外，仲有菜及蕃薯等，之前就見過有自掘蕃薯活動，種類比較多元化。面積嚟講都算大，不過因為人流比較旺，所以我哋去到已經只剩返少量細粒的士多啤梨。只係咁岩撞到職員喺山上摘剩餘的士多啤梨落嚟，所以先有大粒少少的收成，不過味道上就偏淡口同酸。如果去記得飲埋 #青檸蔗汁，真係好特別。
價錢 : $80/磅 (之前問過話假日過後會變返$65，出發前打電話確定比較好)
電話：9168 8931、6774 8037
網頁：https://bit.ly/3pRxlQW
地址：粉嶺打鼓嶺升平村（雲泉仙館側）
交通：粉嶺鐵路站乘52K專線小巴，到打鼓嶺升平村明愛中心落車，步行2分鐘。
🍓🍓🍓🍓🍓🍓🍓🍓🍓🍓🍓🍓🍓🍓
B場 : 阿方本地士多啤梨園
亦同樣位於雲泉仙館側，只係比老徐行多2步，同樣有 #鮮榨蔗汁 售賣。
阿方的士多啤梨場同樣的大，成個農場以士多啤梨為主。當日到達鮮紅的士多啤亦不算少，好容易就摘 (剪)咗一磅，不過相對嚟講就比較單一。味道方面都算比較甜，但香味就唔算濃。
價錢 : $80/磅
電話：6436 1127／5425 8122
網頁：http://www.yl.hk/afs/
地址：粉嶺打鼓嶺坪輋路雲泉仙館後門(太歲殿)停車場則
交通：粉嶺火車站C出口，乘52K專線小巴，至「雲泉仙館」下車；或在上水廣場乘79K九巴，「雲泉仙館站」下車。
🍓🍓🍓🍓🍓🍓🍓🍓🍓🍓🍓🍓🍓🍓
C場 : 鳳凰農場士多啤梨自摘園B
比較新的一個農場，放眼望過去好大一片的士多啤梨，仲見到有其他地方疑似擴建，可能日後會更多元化。
士多啤梨係咁多個場入面最紅最甜的，而且有一陣陣香味。岩岩訓醒的金仔今次全力主導，雖然佢仲未識用單手拎剪刀，但就好認真哋幫手搵已經夠熟夠紅的士多啤梨。我哋搵到只要叫一聲，佢就會即刻幫手剪，好盡盡力。
價錢 : $80/磅
電話： 6219 4955
地址：新界打鼓嶺坪輋路1117號
交通： (一) 由粉嶺站公共小巴總站乘搭小巴52K前往坪輋(在總站下車),鳳凰農場就在對面 (二) 由上水站公共巴士總站乘搭79K至打鼓嶺李屋村站下車,鳳凰農場就在對面 (三) 駕車由粉嶺站出發約15分鐘
🍓🍓🍓🍓🍓🍓🍓🍓🍓🍓🍓🍓🍓🍓
D場:大埔田士多啤梨園
位置上離雲泉仙館唔遠，不過網上搵到的資料唔多，我哋都係雲泉仙館攤檔指引過去。去到發現，士多啤梨已經剩返好少，農場姨姨態度十分有善，指引我哋去摘，3個小朋友轉咗一圈後，就收割咗一個最大的椰菜花做戰利品。(不分重量，按個數收費)
在場仲有少量已摘的蔬果出售。
價錢 : $80/磅
地址：新界打鼓嶺坪輋路大埔田
交通：52K,79K
ABC場採摘如下:
最甜同香就係鳳凰農場
呢排天氣熱，又就嚟長假，想摘士多啤梨的朋友要計畫下啦!!!😎
💜💜Facebook 💜💜
💚💚Youtube💚💚
💛💛 IG 💛💛
#士多啤梨 #親子 #好去處 #農場 #假日好去處 #假日活動 #親子好去處 #放電 #大集合 #總匯 #自摘士多啤梨 #粉領農場 #士多啤梨農場 #strawberryfarm #青檸蔗汁，真係好特別。 #鮮榨蔗汁
(此文章由U Blog 同步發佈至社群)
