輕井澤玩具王國（有coupon)

本人為了加入社群創作有價企劃行列，決定運用自身的日文一級能力，致力為大家上網搜羅與日本景點有關的優惠情報，再在U Lifestyle 作出分享。務求讓大家慳得一蚊得一蚊，做旅遊精明消費達人! ———————— 今日要為大家介紹下輕井澤呢個玩具王國， 呢個我覺得會好適合帶0-8歲，小三以下既小朋友去 。佢地去到會覺得好似入左個大型玩具任玩放題既地方咁 。 成個玩具王國連大人都覺得好玩既，一定要講「わくわく大冒険の森」（刺激森林大冒險），佢結合左大自然既環境，設計左好多唔同既運動探險元素，我覺得去得呢度呢個區域係必玩 。記得要着運動鞋去呀，高踭鞋涼鞋係唔得架，佢要你買對鞋先俾入架。 之後呢個玩具王國仲有啲機動遊戲，幼兒向的確係偏多既，如果你買普通入場券，咁每個遊戲係收錢的 。大概400-500yen左右 。 我計過，如果你買free pass入場券，扣除普通入場券價錢，你玩個森林大冒險再加2個機動遊戲，基本上都回本了 。所以free pass我個人覺得抵買既 。 如果你小朋友好細個，玩唔到幾多機動遊戲的話，你就買普通入場券，入去影下相，去大大小小既玩具屋，小朋友其實都會好開心 。因為大大小小既玩具屋通常係免費入去任玩的，當中包括香港人熟知既森林家族、TOMICA、RICA CHAN、 MEL-CHAN、積木⋯⋯⋯數之不盡，詳情可以去官網睇睇，總之幼兒入去都一定樂而忘返 。 如果你有興趣去，你可以官網買票又得，現場買都得 。 如果你現場買的話，一定要記得去以下網址gen個coupon出黎買，慳得一蚊得一蚊麻 。（見圖13） https://www.omochaoukoku.com/karuizawa/ticket/ 買free pass可以減500yen架‼️普通入場券都減100yen啦😁 一家大細有幼稚園小朋友既，我覺得最值得去 。 ———————— 所有圖片來自官網（https://www.omochaoukoku.com/karuizawa/）取得。 ———————— 如果大家見到有咩優惠，但因為日文而唔識睇，可以話我知，我可以繼續出POST 話俾大家知。 想知更多優惠資訊，就FOLLOW 我俾D動力我啦! THANKS. #優惠#優惠價#Coupon#日本之旅#日本好去處#日本#日本食玩瞓#日本之行#日本旅行#親子好去處#親子活動#親子#親子遊#親子玩樂#親子旅行#親子景點#親子假日好去處#UCreator#輕井澤#玩具#玩樂#玩具王國