炮台山狗狗友善餐廳 | t2p The Second Phase 超近東岸公園! 一站式狗狗放電行程

又一間勁愛又好常去嘅餐廳原來一路未寫過! 好慶幸屋企附近有間狗狗友善餐廳，仲要飲品嘢食都好正! 加上就喺東岸公園附近，幾乎次次去都係帶埋威龍同兩兄妹一齊，食完再去公園放電⚡️ 終於記得影相呢次食記，就係得爸爸媽咪加威龍過嚟食晚飯。 ▪️羅勒鮮蜆意太麵 呢款意太麵係我嘅all time favorite，每次嚟都一定會點，爭在揀辣定唔辣~ 今次對仔女唔喺度，我緊係揀辣啦! 最鍾意佢又蒜🧄又辣🌶️ 加上意太麵係好煙韌嘅口感，超愛! (張相手震咗😭😭) ▪️麻 花椒拉麵 呢款拉麵第一次試，係店員推介! 又係平時帶住小朋友唔會食到嘅口味，一於試吓! 果然如店員所講，辣度係譚仔10小辣嘅程度，不過就真係好麻! 鍾意刺激口感嘅必點呢款~ 豚五花叉燒表面燒得有點焦香，豬面肉亦好香同爽口，好食! ▪️本地新鮮騸牯牛肉他他 配柚子醬油 又一帶住小朋友食唔到嘅選擇，有別於平時切到一粒粒嘅他他，今次係一片片嘅本地手切騸牯牛，不過因為個醬汁加咗薑蓉，我就唔太食到了(我係偏食人士LOL) ▪️手工啤 / 焙茶latte 兩樣飲品都好滿意，呢款手工啤麥味好香，老公喜歡! 我杯焙茶latte就好夠濃，飲過焙茶之後愛上咗! 好開心店員都已經認得我哋了! 嗰晚淨係帶威龍，佢哋都問小朋友去咗邊，下次再齊人一家五口嚟食過❤️ @thesecondphase_hk #龍少出巡 🌐https://s.openrice.com/QrbS0E1SB00~dTPjY9WrO 📍 天后興發街100號 𝓌𝑒𝓁𝒸𝑜𝓂𝑒 𝒻𝑜𝓇 𝒸𝑜𝓁𝓁𝒶𝒷𝑜𝓇𝒶𝓉𝒾𝑜𝓃 ig: @123LungsumkaMami (@123Lungsumka 暫時停用中) email: wwwwwaiki@gmail.com ━︎・━︎・━︎・━︎・━︎・━︎・━︎・ #t2p #炮台山 #寵物友善餐廳 #狗狗友善餐廳 #狗狗友善 #香港美食 #香港餐廳 #港島東美食 #hkfoodie  #hkfoodblogger  #吃貨人生  #openrice #香港cafe #Cafe #openrice #小店 #香港美食 #炮台山 #hkfoodie #hkfoodblogger #香港餐廳 #寵物友善餐廳 #吃貨人生 #狗狗友善餐廳 #香港cafe #狗狗友善 #港島東美食 #t2p #龍少出巡 (此文章由U Blog 同步發佈至社群)