隱世小店西餐廳💕

隱世小店西餐廳💕 今日同兩個小朋友食西餐,呢間餐廳其實已經開咗好多年(我中學時已經有了!)招呼同食物水準仍然keep到👍🏻 呢間餐廳環境非常寧靜,因為佢唔係開喺大街,佢周圍附近都係住宅,所以如果唔係住附近或者有人介紹,都好難察覺到呢度有間餐廳🍴 食物質素👍🏻 🥯🥣餐湯同餐包 餐湯係西蘭花忌廉湯｡西蘭花好足料,個湯都好Creamy｡好飲到連唔多鍾意飲西式湯嘅丁丁都飲到舔舔脷😋😋,成碗飲哂! 佢個餐包真係要介紹吓,佢同平時普通餐包唔同｡個麵包甜甜地,唔使搽牛油都得｡丁丁食咗兩個!🍞🍞 🍗🍝主菜 我哋大人嗌咗一份牛扒同一份羊架｡牛扒好腍,羊都好入味,一d都唔｢羶｣,又夠腍! 兩個小朋友就share一碟黑松露意粉｡個意粉個味好夠,爸爸話完全拍得住佢煮嘅水準😋 Lala 食到停唔到口,平時好細食嘅佢都差唔多食咗大半碟😛 ☕️🍹餐飲 小朋友可以揀好立克,店員亦都好周到,幫我哋分咗做兩杯,等佢兩隻嘢唔使爭😎😎 食完仲有佢哋自家製嘅雪糕做甜品🍧🍦大滿足😌 服務態度👍🏻 兩個小朋友食完之後店員好好人,俾咗兩個coins 佢哋去扭蛋! 佢哋又周圍同啲公仔(有sloth !!) 同擺設影相,超開心食完仲問我哋幾時再食過😋😋😂 佢哋門口擺咗佢哋一啲自家製嘅蛋糕🍰,但今次我因為食咗個下午茶,所以食唔落,下次我一定要留肚試吓佢哋啲cake! #小店#隱世餐廳#sweet19