2024/01/09

佐敦必試日系甜品店！每日限量焙茶梳乎厘！TERA

位於佐敦廟街寶發大廈嘅TERA，係一間日式風格裝修嘅甜品店。店舖門口係個橫、直木柱構成嘅屋頂，仲有個小小戶外用餐區，有時尚嘅日式感，係一個好靚又吸引人嘅打卡位。店內前方係窗口吧枱位，右方係一張大型木餐枱，上面吊住一個圓形和式紙燈籠，好有日系氛圍。餐廳後方貼有大型甜品插畫海報，細心睇係畫曬餐廳出名嘅甜品🍮🤤每個都好靚好吸引，件件都想食咁🤤。～流心芝士撻 $22 流心芝士撻係驚喜地好味。撻皮酥脆，內裡嘅芝士餡料好滑溜濃郁，一咬落啲芝士餡就出曬嚟，真係好正。😋 ～榛子焙茶梳乎厘班戟 $138🥞 榛子焙茶梳乎厘班戟係佢哋嘅招牌每日限定，第一次黎一定要試試佢😆。即叫即整嘅關係，等咗20分鐘終於上枱喇😍。梳乎厘班戟新鮮出爐，梳乎厘班戟上面淋有焙茶醬，好香噴噴🤤，碟邊仲有好多配料，包括榛子朱古力碎同焙茶牛奶布丁等😍，擺盤又十分靚。📸 食落班戟新鮮熱辣又夠鬆軟，有空氣感十足又充滿蛋香。配埋香滑，焙茶味超濃嘅焙茶醬好，真係十分之正😋🤤👍🏻！～養生花茶 - 蕎麥保健茶 $52 養生花茶的選擇好多，包括蕎麥保健茶、荔枝玫瑰花茶、桂花國寳茶、牛蒡茶、洋甘菊花果茶。最後揀咗蕎麥保健茶，好有健康感，減少番個甜品邪惡感😂 。蕎麥保健茶好香，飲落蕎麥味道好香濃，仲有少少草本味，感覺好refresh 同埋順喉，令人舒服心情放鬆。真係好養生😆！ TERA 甜品嘅選擇仲有好多，好多都好好味咁，下次嚟要再試其他。😂😋 週末去都幾多人排隊，建議大家早啲到。😊 TERA 📍佐敦廟街273-285號寶發大廈地下4號推介度：❤️❤️❤️❤️❤️ #TERA #tea #cafe #甜品 #梳乎厘班戟 #pancake #芝士撻 #花茶 #文青 #咖啡 #下次要再食 #熱門菜式 #打卡 #攻略 #chill #打卡美食 #好去處 #週末 ...更多