［深圳］性價比高超值二人北京填鴨套餐😍

呢間位於海上世界站既北京菜專門店係大眾點評南山區北京菜排第一,店舖鄰近地鐵站好方便~佢既裝修都好古典優雅大部分房都以廂房設計,不過今次就安排左坐大廳,大廳既卡位都好舒服,每張枱都放左個花樽帶比人一種高貴感覺😌而且可以透過玻璃櫥窗見到師傅整野食~ 今次係大眾點評揀左個工作日218甄選烤鴨雙人餐,價錢好抵¥218就食到半隻烤鴨､前菜､主菜､鴨湯同埋甜品🍧真係飽你食到飽,我一啲都唔覺得係雙人餐我覺得似3-4人餐多啲😂樣樣都好多份量又好好味,推薦大家黎食👍🏻一開始佢會比左碟西瓜你開胃😋啲西瓜勁甜勁多水🍉 ————————————————————————————— ♦️片皮鴨(半隻):皮好軟熟易咬開､鴨肉好嫩口､鴨皮好鬆脆可口👍🏻👍🏻皮係用左懶人火鍋既原理用發熱包加水保溫,溫度適中~ ♦️ 白菜心拌蜇絲:好香麻辣味,食落去麻麻辣辣,蜇絲好有口感煙煙韌韌,菜絲令到成個菜冇咁漏 ♦️ 堂焗鮮蝦粉絲煲🦐:佢有專人係你面前用明火幫你加豉油煮,啲蝦好大隻好新鮮同爽口,粉絲都唔會腍晒仲好彈牙😋醬汁係成個餸既靈魂,好香同粉絲好夾🤗 ♦️ 文火鴨湯:湯料有娃娃菜同鴨肉,清清地對於解油膩感好有幫助👍🏻 ♦️堅果桂花酸奶:我個人都幾中意,一黎到勁冰凍,入面加左啲桂花蜜甜甜地同酸奶意外地夾,上面仲加左啲提子乾更加好味🙈不過唯一唔好既地方係甜品一開始就上,如果可以食到最後先上就最好🫢 ————————————————————————————— 整體黎講中意食北京填鴨既值得一試,呢個價錢係香港應該可能淨係叫到半隻鴨,但呢可以叫晒成個餐仲要有幾樣餸加甜品同湯,真係抵到飛起👍🏻 評分🖍️(滿分為5個🌕) 抵食指數:🌕🌕🌕🌕🌕 服務質素:🌕🌕🌕🌕🌕 環境:🌕🌕🌕🌕🌗 味道:🌕🌕🌕🌕🌗 📍 旺順閣新京菜•烤鴨(海上世界店) 南山區招商街道水灣社區工業二路海上世界廣場海上世界船尾廣場1棟305 (地鐵2號線海上世界站A出口步行420m) #UCreatorHK#BESTFOODwithUCreator#美食推介#美食推薦#美食分享#hkfoodie#激玩水上樂園#北京烤鴨#海上世界#旺順閣#深圳打卡#hkfoodblogger#hongkongfoodie#深圳美食#深圳攻略#深圳探店#深圳#深圳好去處#深圳一日遊