有質Lunch之《一方堂居酒屋》

有質Lunch之《一方堂居酒屋》 厚褔街多野食係人都知，基本上你想食咩都有，今日Lunch上左樓上鋪既《一方堂居酒屋》，裝修算日式，地方唔算大，不過坐位舒服，menu算幾多野食，價錢唔算貴，Lunch set好多選擇， 刺身定食配飯 $168(加配小食：味噌牛舌)：剌身有6款，全部都好新鮮同埋係厚切，墨魚刺身做得細心，卷左一塊紫菜，令擺盆上碟視角美觀，海膽都鮮甜，唔會腥，味噌牛舌好爽口， 一方堂壽司定食配鳥冬 $138(加配小食：合桃小女仔)：壽司有8件，刺身新鮮，仲有吞拿魚蓉小卷，壽司飯一粒粒，軟硬適中，沙律菜個汁好開胃，鳥冬唔算大碗，口感彈牙，味噌湯清甜，好多海帶，合桃小女仔甜甜地，口感少少脆口，幾好食， Lunch黎講，呢個價錢算抵食，絕對價得一試！ 一方堂居酒屋 尖沙咀厚福街12-12A號藍馬商業大廈9樓 #foodie#hkfoodie#hkfoodblogger#美食當前#食咗先講#一方堂居酒屋#尖沙咀#厚福街#居酒屋