2023 台中景點更新內附行程分享

交通攻略－公車 當地名勝－ 宮原眼科、舊台中車站、審計新村 飲食及餐廳－醉月樓、逢甲夜市 #台灣通關 ，大家都想飛返轉。台北當然好玩，但想睇得更地道、更「台灣」，台中、台東才是王道。不過，台東鐵定要租車，所以台中先係心水選擇。2023年遊台中之前自然要更新吓景點，唔好走冤枉路。😎 高美濕地 由台中車站出發，乘搭309號公車一個多小時多抵達。高美濕地是台中生態保育區，睇到大風車群、沿岸海洋生態，黃昏好靚。不過，旅行睇天意，嗰日突然狂風大雨，行唔到入去影靚相，十分可惜。🥹 > 夜景好靚，可惜天公不造美 > 非常另類的壁畫小村，背後故事更加動人 彩虹眷村 著名壁畫村，2008年起村內牆上畫上風景、植物、人物壁畫，非常值得參觀。不過好可惜，因為村屋太舊，需要重新裝修，現已關門裝修，所以唔好摸門釘。幾時開？就要留意官網。 地址：臺中市南屯區春安路56巷 > 村好小，但非常值得去，大家等吓 > 這就是台中，正 > 喜歡這樣的台中，人不多，充滿點點懷舊色彩 臺中舊火車站 第二級古蹟，充滿歷史及建築意義的火車站，旁邊就是新台中火車站，必到之選。🤩🤩 > 點影，都很復古 審計新村 文青集中地，由舊宿舍改建，充滿歷史感。村中現開設餐廳及特式小店，售買服飾及特色產品。如果鍾意行街，飲咖啡，絕對消磨到半天。🫶 > 相片不能表達新村的創意和魅力。平日都好多小店同埋攤位，很熱鬧 東海大學 主要參觀「路思義教堂」。平日好靜，打卡一流。行吓、坐吓，感覺台灣大學的校園生活都是不錯體驗。由台中車站乘公車🚌約 40分鐘。 > 影相正，但要特登去...... 你明的 逢甲夜市 夜市……從來不會停業。❤️❤️ 宮原眼科及醉月樓 原為台中規模最大眼科醫院，近台中火車站。紅磚樓充滿舊台灣風情，通常遊客會買糕點做手信，名物係雪糕。不過當日唔想排隊，所以冇食到。不過好幸運食到醉月樓，平時要網上訂位，嗰次walk-in 都得。主要食環境，菜式好精緻。醉月樓仍然營業，絕對可以一試。 > 當你行到好攰，見到間咁嘅餐廳，腳步自然走入去。 台中文化創意產業園區 距離台中火車站步程可達，前身「大正製酒株式會社」，曾經是全台最大釀酒工場。酒廠內現舉辦文創活動，新舊文化交流，自己就鐘意睇舊酒廠的設計，週末去比較熱鬧。👏👏 > 冇嚟錯，很復古嘅手菜，認識到台中歷史，好啱心水 > 非常有特色的景點 > 只要用心去等，就會影到一啲好特別的事物 大里龍貓車站 曾經的打卡聖地，但已經停業。😞😞 > 往事，只能回憶 餐廳推介 推薦宮原眼科「醉月樓」。掃街自然係 #逢甲夜市 。 > 台菜，我喜歡 想食台中老字號餐廳，可以試吓法森小館。嗰日偶然經過，Walk-in有位，非常精緻的法國餐，事後先知好出名。仍然開業，不過轉咗新地址：西區存中街22-1號。 > 驚喜的法國菜，價錢不是問題，因為享受了不是旅客的體驗 想食地道少少可以試吓 #瓦庫烤肉 環境好，食物好食，同香港價一樣，即係點？台灣價錢算偏貴，仍然開業中。 > 一人前，真的不可能食太多，唔係又要168 遊台中係想睇舊嘢，感覺似尋寶。通關後好多舊餐廳、景點都無咗，唯有重新發掘新嘢玩。 #台灣 #台中 #逢甲夜市 #台中景點 #台中美食餐廳 #台中美食 #尋找你的旅行背包台灣篇 #台灣通關 #瓦庫烤肉 (此文章由U Blog 同步發佈至社群)