2024/11/22

懷舊金曲西餐夜@The Musicbox Grill House & Bar

呢間以音樂作主題嘅西餐廳，打開升降機門就被門口呢個DJ打碟區吸住眼球。全店裝飾都與外國音樂分唔開，經典黑膠唱片，唱機擺設等。全晚不停播住經典西洋金曲音樂錄影帶，識唱嘅都可以跟住唱，哈哈……。提供二人份晚餐，由前菜海鮮到肉類至甜品餐飲都包埋，唔想煩惱食咩都唔錯。最快出場嘅當然係廚師沙律 ($88)，另加$48加埋慢煮鷄胸，成客份量都足夠輕食量人士當作主菜。叫得做慢煮鷄胸，真係名符其實，鷄胸肉超嫩滑，表面再輕輕燒過，加多份燒香味。醬汁可以油醋/千島，大量清脆沙律菜，仲有烚蛋片及車厘茄，夠晒份量。隔離枱正正食緊香蒜牛油煮蜆，我地有蒜香辣椒蜆肉意大利粉 ($188)，蜆隻舖滿半隻碟。呢度嘅蜆確實無得輸，蜆肉入口嫩滑，一粒沙都食唔到，加埋個香蒜汁，帶有口感嘅扁意粉，單食已經好好味，帶點香辣度，愈食愈想食。芝士控提議叫埋呢客芝士蕃茄意大利雲吞 ($118)。一客都有唔少嘅意大利雲吞，除咗有蕃茄仔及茄醬外，仲灑上芝士片，熱度令佢溶掉，正呀。一啖一粒雲吞，內裏有肉碎餡，配以微酸嘅蕃茄醬味，真係會令人一粒駁一粒咁食。壓軸出場係芝士四重奏 ($148)，四式芝士焗至金黃色舖滿整個餅底。拎起薄脆餅底就已有最期待嘅畫面………拉絲出現。入口滿口芝士咸香味道，就算成個都係芝士都唔會膩，熱辣辣係特別好味嘅。仲有幾款甜品供應，但實在太飽，下次先。 #出發打卡 #ULifestyle應用程式 #ULifestyleApp 社群 #ULifestyle社群密密送 #送禮 #Giveaway #ULifestyle #UCreatorHK #MOMENTSwithUCreator #社群狂歡大激賞 #主題樂園門票 #香港迪士尼樂園 #HKDisneyland #ADisneyChristmas #遊樂推介 #親子活動 #聖誕2024 #香港好去處 #奇妙聖誕 #聖誕好去處 #賞楓暢飲 #送禮 #香港迪士尼樂園 #Giveaway #親子活動 #香港好去處 #聖誕好去處 #ADisneyChristmas #HKDisneyland #ULifestyle應用程式 #ULifestyleApp #ULifestyle #ULifestyle社群密密送 #MOMENTSwithUCreator #UCreatorHK #主題樂園門票 #社群狂歡大激賞 #遊樂推介 #出發打卡 #聖誕2024 #奇妙聖誕 #賞楓暢飲 (此文章由U Blog 同步發佈至社群)...更多