金澤現代建築之旅

上一章介紹咗金金澤古色古香嘅一面,今日嘅行程都係留喺金澤市內,主打欣賞日本建築師精心設計嘅現代建築｡ -鈴木大拙館- 鈴木大拙館係為咗紀念日本著名嘅佛學家鈴木大拙而興建, 目標係透過建築令到普羅大眾反 思佛學教義,因此建築物融合佛學特色之餘兼備現代建築風格｡ 著名建築家谷口吉生,利用 簡潔嘅建築物料､配合自然嘅光線同水影,參觀者絕對可以感受一個嶄新嘅哲學體驗｡ 營業時間:9:30~17:00,週一休息 地址:石川縣金澤市本多町3-4-20 -石川縣立圖書館- 由建築師仙田満設計嘅石川縣立圖書館,距離金澤市中心大概15分鐘車程,相對其他介紹嘅 景點距離較遠,但喜好書卷味嘅文青就唔可以錯過喇｡圖書館喺2022年先開幕,係一個全新 嘅景點, 超過三十萬本書籍藏身喺仿如圓形劇場嘅圖書館內,一行入去已經會比室內設計震 撼｡喺圖書館入面大家可以自由參觀,亦都設有好多枱櫈比大家休息或者閱讀,當然打卡之餘 亦都要顧及使用者嘅感受,做個尊重他人嘅旅客,唔好嘈親其他人呀! 營業時間:9:00~18:00/19:00,週一休息 地址:石川縣金澤市金沢市小立野 2 -43-1 -金澤 21 世紀美術館- 相比起剛才介紹嘅鈴木大拙管同石川縣立圖書館,金澤21世紀美術館相信出名好多｡ 由日本 兩大知名設計師妹島和世及西沢立衛攜手合作,美術館採用｢城鎮廣場｣嘅概念, 結合美術同 公園,拉近藝術作品同普羅大眾嘅距離｡ 橢圓形嘅玻璃幕牆, 加上不規則嘅入口, 令普羅大 眾可以從各個方面欣賞藝術品｡ 營業時間:10:00~18:00,週一休息 地址:石川縣金澤市廣坂1-2-1 ~Tips:《泳池》一定要提早預約~ 喺呢一座2010年普里茲克建築獎得獎建築入面, 最著名嘅作品肯定係Leandro Erlich創作嘅 《泳池》,雖然參觀美術館就可以即場買飛,但係《泳池》作品就可以提早預約或者即場Walk In ,如果到時去到先發現冇辦法參觀或者要排好耐隊,咁就揼心口喇｡ #想飛賞飛#日本好去處#旅遊行程#金澤#金澤21世紀美術館#金澤自由行#求好旅友