太喜歡了！華麗•性價比高下午茶⚜️

難得約到親愛的媽咪下午茶,當然要揀間環境靚､下午茶又好食嘅地方🥰一直想去銅鑼灣利景酒店嘅【陳家廚房】,咁啱佢哋推出全新Afternoon Tea Set,一於同媽咪去打吓卡💗 餐廳環境雅緻,水晶吊燈､鏡面､天花金色雕花⚜️等,營造一種古典歐式宮延風格｡然後牆身掛滿中式畫作🖼️,糅合中西文化設計,身處其中舒適又賞心悅目☺️ 今期陳家廚房下午茶同樣係融合中西美食｡ 🔸DIM SUM: 金箔蝦餃皇 蟹籽燒賣皇 素翅灌湯餃 🔸SWEETS: 香芋麻糬蛋糕卷 紅桑子朱古力拿破崙 巨峰提子奶凍 焦糖青蘋果慕絲蛋糕 🔸SCONES: 傳統英式鬆餅 (原味•伯爵茶,配果醬､奶油忌廉) 鹹點係經典中式點心,蝦餃同燒賣都大大粒,肉質彈牙😋 素翅灌湯餃🥟好入味,調味亦剛剛好,米餅香脆｡三款點心我都覺得非常好食!😍👍🏻 甜品同樣精緻,最鍾意蛋糕卷及拿破崙｡🍩蛋糕卷有香芋香甜味,加上麻糬煙煙韌韌,口感豐富｡🍰拿破崙鬆脆,朱古力味香濃,配上紅桑子,酸甜果香平衡咗朱古力嘅甜膩｡🍇奶凍提子香味撲鼻,幾清爽｡🍏青蘋果造型蛋糕好可愛,慕絲口感綿密,唔會太甜｡ 🥧英式鬆餅厚實鬆軟,伯爵茶口味散發陣陣茶葉清香,好高質嘅鬆餅!🥹 ☕️揀咗熱茶,連茶具都好靚!然後係星期六､日及公眾假期惠顧,仲可每人額外送一杯意大利氣泡酒!🥂 整體環境同食物都好出色,每件份量都唔細,可以食得好飽好滿足💕🤤連要求極高我摯愛嘅媽咪都讚不絕口,做阿囡嘅我深感欣慰🥹🤣 📍陳家廚房 地點:香港灣仔道209-219號地庫1樓 #銅鑼灣利景酒店#TheCharterhouseCausewayBay#酒店優惠#陳家廚房#周末好去處#打卡#hkfoodie#HighTea#hkrestaurant#香港酒店#香港好去處#香港美食#香港好去處#打卡餐廳#香港餐廳#甜品控#下午茶#afternoonteahk#hkgirls