2023最有feel…

突然又過去，舉止仍像少女不知不覺已經踏入2024，但回首2023，香港仍有不少值得回味嘅 #2023咔嚓時刻，相信最難忘嘅必定係嗰位搞到「滿城風雨」嘅 #蘇拉。佢最令人難忘嘅，必定係藝術感滿滿嘅水浸黃大仙，將「風水」嘅元素發揮得淋漓盡致，為大仙加添一道神秘又美麗嘅仙氣！但大仙都係要食飯，一道《水浸牛奶冰室》即時將黃大仙嘅檔次提升幾個Level，由低窪地區搖身一浸，地底都變水面，樓底高咗，大家駐足停留嘅時間都耐咗，仲得閒打個卡，忍唔住都要讚嘆一句：「此景只應天上有，奈何下凡到大仙。」除咗大仙水向低流，蘇拉都為香港帶嚟一道瀑布仙景，滿滿嘅黃泥水一瀉而下，李白睇到呢個情景嘅話，「飛流直下三千尺，疑是銀河落九天」就唔會用喺江西。唔同嘅係，落九天嘅唔係銀河，係巨石。而飛流直下嘅除咗雨水，仲有「仙子」。紫霞仙子曾經係西遊記講過一段經典嘅對白：「我知道有一天，他會在一個萬眾矚目嘅情況下出現，身披金甲聖衣，腳踏七色彩雲來娶我。」估唔到係我有生之年，都可以見到一位手執粉色蓮花，腳踩啡色水流嘅仙女下凡，不斷下凡…再下凡…喺我面前慢慢流走。曾經有一份真摯嘅愛情放喺我面前，我冇去珍惜，等我失去嘅時候我先後悔莫及，人世間最痛苦嘅事莫過如此。咪住先！原來最痛苦嘅事，仲有用面去滑行，磨擦地板嘅呢位女士。睇住佢順風而行，本來以為佢可以乘風起飛，但人生就係咁，你以為順風順水，但難免亦常有淚，咁樣仆法，都唔知喊好定唔喊好，睇見佢個樣欲哭無淚，我就好唔爭氣咁笑咗。 2023年，香港人都係咁。笑好定喊好，只不過係一念之間。捱過之後，驀然回首，往事只能回味，但當你有一部 #Canon數碼輕便相機PowerShotV10 ，留住美好只係一瞬間嘅事，一剎那光輝唔代表永恆，但留住畫面可以直到永遠。再見2023，展望2024！...更多