HBAF Mint chocolate almond
我恨食呢款零食好耐，但我一路都唔見出面有得賣，啲薄荷朱古力關注組嘅組員話大生有，而且賣得平，但係我去屋企附近嗰間大生搵係一包都冇，上網睇下，有網店有，但要45蚊一包，我忍唔住喇，我買。
（攞咗貨之後佢減價變咗40蚊-_-"！！！)(頭先又睇到薄荷朱古力關注組又話大生有，只係29蚊，但我冇緣遇上。）
唔緊要啦（我同自己講）都買咗喇，食得開心就好嘞，咁又真係幾好食，打開包裝已聞到清涼嘅薄荷感覺，食吓，哦，原來係有薄荷朱古力coat住粒脆杏仁，感覺勁正。
之前食過藍鑽石杏仁嘅薄荷朱古力杏仁，嗰隻我唔鍾意，佢係杏仁外面coat層粉，但係個味道唔得薄荷，感覺搵笨，而HBAF呢隻就好唔同，討好好多，你會覺得佢有個層次，啲薄荷朱古力冇辜負粒靚杏仁，即使我買貴咗啲，但唔會覺得唔值吖嘛。...更多
