河津櫻，東京最早櫻花祭 酒店/景點/美食個人分享

想睇日本最早櫻花一定要到伊豆河津町。大概二月中至三月中旬，河津地區遍佈河津櫻，睇過官網 就知道好靚。 > 河津櫻的遊客以日本人居多 封關前 （3年了⋯⋯）曾經飛東京，專誠睇河津櫻。 由東京出發，乘坐「特急湧子號」直達河津站，大約2小時40分。車費好貴，單程約350港幣。睇河津櫻真係要下定決心。 > 去伊豆，諗咗好耐，但冇後悔 抵達河津站經已中午。河津站聚集唔少賞櫻的日本人，路旁有攤檔擺賣當地生果、魚乾，相信遲啲會更熱鬧。 賞櫻地點：我主要行河津站旁的「河津川」。川旁櫻花隧道大概伸延4公里，呢度遊客比較多。近望河津櫻花睿較大，更粉色。村民會在兩旁擺賣水果、蔬菜，特式小食，行到攰可以填肚，不過真係好難搵垃圾桶😂。行遠少少，可以睇到「河津櫻原木」，即第一棵河津櫻樹，原木大約有60年樹齡。坐JR 到下站「金井浜海岸」，遊客較少，可以盡情欣賞河津櫻。 伊豆好快入晚，店舖六點前會關門。車站附近搵食易，食完晚餐，再賞夜櫻。 > 好彩搵到食 返回河津川，天色灰濛濛，不過射燈照著川道兩旁，方便欣賞夜櫻。可惜伊豆近海，天氣變化大，不久就狂風大雨，遊人係少咗，但影唔到夜櫻靚相。🤦‍♂️ > 伊豆落雨都幾恐怖 住宿建議提早預訂。記得出發前三，四個月河津站附近酒店已經爆滿，只訂到「金井浜海岸」站嘅小酒店，不過比我喺生庭式酒店食到著名嘅金目錭，好正。車站旁邊都有好幾間酒店，例如今井濱東急酒店，價錢偏貴，不過對住海岸，景色一流；兩日都食酒店自助早餐，正。 > 金目錭係伊豆名物。 如果喺伊豆留耐啲，可以到熱海浸溫泉♨️或者遊覽「誠崎海岸」，唔會另你失望。 #伊豆 #金目鯛 #東京近郊 #河津櫻 #東京櫻花 #尋找你的旅行背包 (此文章由U Blog 同步發佈至社群)