銅鑼灣新式居酒屋 【映月】

近排去咗銅鑼灣時代廣場附近 新開嘅日式料理【映月】吃晚餐🥢 餐廳門口有個打卡位📷 有櫻花樹🌸同個發光半月櫈 如果抽唔到身 近期未打算出發去日本🗾 可以影兩張櫻花相 再食埋個日本料理止癮 心靈已經係去咗一次日本旅行 餐廳裏面和式裝飾，好似狐狸面具、油紙傘添多兩分日本風情🇯🇵 入面座位極度闊落  我先頭以爲呢間係主打串燒 預咗係間有D逼嘅居酒屋 點知餐廳佔地面積咁大，座位超級濶落，坐得舒服，好適合同朋友邊食飯邊閑聊 Menu除咗有好多日式串燒 仲有好多下酒菜、刺身、小食同主食🤗 有時真佩服朋友的揾食能力 可以咁快組團去新開 環境靚、菜式選擇多、價錢公道嘅餐廳 今次2個人試咗幾款美食 全部都好評 等小編精選幾樣特別推介比你地 -酒蒸蛤蠣 ($98) -唐揚炸雞($78) -炸軟殼蟹 ($68) -免治雞肉棒 ($48) 🐚酒蒸蛤蠣 冬天特別想喝熱湯，點呢個肯定合適！ 有湯飲又有蛤蠣食🐚 蛤蠣份量多，粒粒新鮮飽滿 清酒分量剛剛好，個湯頭清澈，又有蛤蠣鮮甜 每口蛤蠣、湯頭帶清酒香🍶 🐔唐揚炸雞 鐘意炸物嘅朋友必點👍 炸雞炸得外脆内軟，鷄皮炸至金黃色，香脆無比，個鷄皮比起一般炸鷄嘅鷄皮來的薄脆😍 香脆鷄皮包裹住嫩滑雞肉，個鷄肉係比坊間用上嘅鷄肉略肥，炸完之後依然充滿肉汁 配搭伴碟嘅沙律醬食，超有日式風味🇯🇵 🦀炸軟殼蟹 呢度炸物係有一手👍 軟殼蟹特登切開一半，表面面積大咗自然更加香口 半隻上碟 方便食客  軟殼蟹咬落去脆卜卜又唔會覺得油膩 🐔免治雞肉棒 特別推介呢個特色小食👍 雞肉捧上面有大量蟹子木魚絲同沙律醬 雞肉好爽滑，有咬口，一睇就知咁有誠意嘅作品一定係自家製🫶 單食已經夠好味，店家仲特登附上一隻温泉蛋，比我地撈落鷄肉棒，多咗滑溜口感🥚 我對餐單嘅鰻魚感興趣，但果日個lunch已經食咗鰻魚  所以就冇食到 刺身、冷麵都好吸引 但果日實在太凍 唯有留返下次食😉 映月 銅鑼灣耀華街3號百樂中心1樓 #日本菜 | #串燒  #Japanese | #Skewer  #食好西 #cwb #causewaybay #銅鑼灣美食  #hkfood #hkfoodie #grill #foodblogger #igfood #foodielife #foodstagram #instafood #香港食評 #foodpic #居酒屋 #香港レストラン #唐揚炸雞 #sake #清酒煮蜆 #SakeSteamedClams #日本菜 #cwb #清酒煮蜆 #銅鑼灣美食 #串燒 #居酒屋 #causewaybay #Japanese #foodblogger #hkfood #hkfoodie #foodpic #foodstagram #食好西 #唐揚炸雞 #香港食評 #instafood #grill #sake #igfood #foodielife #Skewer #香港レストラン #SakeSteamedClams (此文章由U Blog 同步發佈至社群)