2025/02/12

[尖沙咀］香港必食正宗醬油蟹餐廳🦀

餐廳外牆畫滿左色彩繽紛既特色塗鴉,一定好易認到😌餐廳老闆係韓國人,由韓國人主理既韓國餐廳一定係最正宗👍🏻餐廳2001年開業係尖沙咀區內開左最長時間韓國餐廳,可以話係老字號,而且最經濟實惠,學生仲會有優惠添~餐廳裝修簡約為主,有啲感覺覺得好似去左韓國傳統餐廳咁,空間闊落座位寬敞,可以約埋一班朋友或者家人黎食都得☺️餐廳有多款韓國美食可以揀,例如醬油蟹､紫菜飯卷､炸醬麵､人參雞湯等等款式繁多,每款都可以食到韓國正宗味道🇰🇷另外佢仲有set lunch全部配湯､前菜同飯都幾抵食 ————————————————————————————— ♦️醬油蟹+紫菜飯團:本身我自己唔係幾敢係香港食醬油蟹,因為之前食過好腥同親身去韓國食係差好遠~但今次呢間既醬油蟹應該係唯一一間我會係香港食,佢一隻醬油蟹都唔細隻份量都夠二人食,蟹肉好新鮮唔霉之餘仲好鮮甜彈牙,每啖都食到好香甜甜醬油味,蟹膏都好多而且唔腥,醬油蟹就咁食又得,加落紫菜飯團做拌飯都得~醬油方面用左餐廳秘製醬油加埋少少酒,唔鹹之餘有甜甜酒香味,用黎撈飯都好正😋 ♦️牛尾湯配飯🍲:牛尾份量都唔少,每舊size岩岩好入口,肉質炆到夠軟冧,牛香味滲晒入湯而且唔會好臊,入面加左韓國粉絲煮得夠通透､爽口同彈牙 ♦️生米酒:酒精味唔算好重都幾易入口,每啖帶有微甜米香味,而且可以解膩,好岩朋友聚會可以叫支一齊share 評分🖍️(滿分為5個🌕) 抵食指數:🌕🌕🌕🌕🌗 服務質素:🌕🌕🌕🌕🌑 環境:🌕🌕🌕🌕🌑 味道:🌕🌕🌕🌕🌗 📍漢城美食 (尖沙咀) 尖沙咀金巴利道74-76號地舖 #foodie #hkfoodie #hkig #food #hkfoodpic #UCreator #hongkong #hkrestaurant #hkfood #hkfoodblogger #foodiehk #香港韓國餐廳 #韓國美食 #尖沙咀美食 #尖沙咀好去處 #香港韓餐 #韓式料理 #香港美食 #大埔美食 #打卡熱點 #香港旅行 #漢城美食 #香港旅遊攻略 #香港美食指南 #週末探店 #打卡餐廳 #真材實料 #性價比高 #九龍美食 #韓國菜 #韓國 #精緻茶聚 #2025Chillguy #人人生日快樂 ...更多