九龍城潮州菜老字號，蠔餅、滷水必試！😋

九龍城唔止泰國菜出名， 其實仲有其他好野食～😏 今次我哋去咗1996年創立嘅「新城潮州飯店」，開業至今27年，係區內嘅潮州菜老字號， 以招牌反沙芋和糖醋麵而聞名， 平民小店格局，入夜後座無虛席。 潮州春菜（$58）傳統潮州春菜，與腩肉同煮， 春菜味道獨特，帶少許甘澀， 剛好中和一下五花腩嘅潤感，加上腩肉肥瘦適中，配白粥或佐飯皆宜。☺️ 韭菜豬紅（$58）豬紅鮮香嫩滑無腥味，不過韭菜份量就比較少。 花生豬手（$68） 一碟份量都唔少，豬手炆得鬆化，味道香甜味美，不錯吃！ 食潮州菜，梗係要食滷水鵝！ ⭐️推薦❗ 潮州滷水鵝（$98/例） 用嘅滷水係幾十年嘅滷水膽， 鵝肉吸收了滷湯的日月精華，肉嫩入味。😋 ⭐️推薦❗ 馳名蠔仔餅（$88） 蠔餅以半煎炸炮製， 蠔餅外層香脆不膩，內裏保持軟綿， 採用大粒珍珠蠔，蠔味香濃，軟硬適中，唔會一夾就散。 椒鹽瀨尿蝦（時價） 有差不多半隻手臂咁大，肉質肥美， 打冷點少得啤酒🍻～ 呢度嘅啤酒價錢合理， 青島都只係$25/大支裝，抵！😎👍🏻 地址： 新城潮州飯店 (九龍城) 九龍城衙前塱道30號地下 營業時間： 星期一至日：18:00-4:00 #九龍城 #小店 #香港美食 #潮州菜 #老字號 #蠔餅 #香港美食 - 九龍區 #九龍城美食 #打冷 #新城潮州飯店 #潮州菜館 #反沙芋 #潮式反沙芋 #香港美食推介 #潮州糖醋麵 #潮州滷水鵝 #韭菜豬紅 #潮州春菜 (此文章由U Blog 同步發佈至社群)