荃灣八千尺抵玩放電推介，玩足1.5小時一大一小低至$120！

荃灣抵玩八千呎放電推介！Kidstation玩足1.5小時，一大一小低至$120，1歳以下BB免費入場，六月限定平日入場即賞扭波波添！   就快暑假大家諗好同小朋友去邊放電未呀？今次分享連媽咪都放曬電既Kidstation比大家，Kidstation係面積8000尺室內兒童遊樂場，玻璃幕牆空間感超強！   皓皓喬喬兩個鐘係不停走嚟走去， 目測係放曬電，Kidstation最特別有色彩繽紛沙池，皓皓喬喬玩咗成個鐘，不停搬嚟搬去，仲有轉轉咖啡杯，彩虹滑梯，透明吊橋，不同款式既刺激滑梯，跳彈床，波波池，好多氣球不停飛既氣球室，交通城玩車車，小朋友市集及廚房，仲有扮演醫生照顧小動物，扮演公主等等，好多地方都打卡一流，我經常影到動態十足既相。    講返Kidstation好抵玩， 小朋友想玩既基本上都有齊，加上地點好方便，荃灣西站行十分鐘天橋就到，落雨都唔怕，六月平日入場仲有扭波波送添，唔洗怕啲小朋友玩到唔捨得走啦，記得先預約入場同著襪仔呀！   週一至五玩2小時: 11AM-6PM：一大一小收費$170 週一至五玩1.5小時: 6PM-7:30PM：一大一小收費$120   六日公眾假期玩2小時: 11AM-6PM：一大一小收費$220 六日公眾假期玩2小時: 6PM-8PM：一大一小收費$180   荃灣Kidstation資料 地址：荃灣楊屋道88號plaza88 11樓1106-1109 Kidstation查詢：6850 0541 ===================== 同你齊齊分享懶人食譜及育兒放電好去處！ like及搶先看我哋專頁！皓喬媽咪 追蹤IG！ethan.evie.daily #親子活動 #親子 #波波池 #滑梯 #育兒 #親子好去處 #放電好去處 #放電 #沙池 #室內放電 #香港親子博客 #室內放電場 #育兒好去處 #室內放電好去處 #香港親子好去處 #放電推介 #親子室內放電場 #荃灣親子好去處 #Kidstation #皓喬媽咪 #育兒活動 #香港育兒好去處 #荃灣育兒好去處 #親子好去處推介 #親子好去處推薦 #育兒好去處推薦 #香港好去處2023 (此文章由U Blog 同步發佈至社群)