尋日同朋友去咗尖沙咀食晚飯，揀咗間Akoya居酒屋，聽講係一間好高質素嘅日本菜小店。到咗就見到店內裝修好有日式feel，每張枱都有屏風隔住，好有私隱度。店員好有禮貌，推介咗幾款是日精選菜式。 三文魚三文魚子燒飯團 ：燒飯團外脆內軟，飯粒香甜彈牙，上面鋪咗三文魚同三文魚子，賣相精緻，每一啖都食到滿滿嘅海洋味道。 雞湯卡邦尼拌鳥冬 ：係一款好特別嘅fusion菜式。用雞湯代替咗平時卡邦尼嘅忌廉，雞湯卡邦尼汁好濃郁，有芝士同煙肉嘅香氣，掛住條條烏冬，好滑好入味。加埋上面嘅蛋汁同黑椒粒，更加提升咗口感同層次。 肉厚活3年帆立貝 ：帆立貝加咗少少醬油、牛油及蔥花一齊燒，食落真係好鮮甜，口感一流。 海膽汁燒蠔：一碟有4隻，蠔肉飽滿脹卜卜，用鐵板上有陣陣鐵板燒嘅風味，再淋上鮮甜嘅海膽汁更加增添海洋風味。 美國牛腹肉串 ：無筋既牛串燒，入口軟嫩溶，牛味重仲帶油脂香氣。 自家製免治雞肉串 ：呢款通常都係食串燒必點嘅一款，軟雞肉沾上橙黃色嘅月見汁，可以增添一份蛋味，更令雞肉串更嫩滑。 提燈 ：提燈即係母雞輸卵管+未形成外殼嘅雞蛋黃，唔係間間鋪頭都有，味道唔會腥或羶，有好特別嘅口感值得一試。 炭火串燒拼盤6串：係廚師發辦每日都唔同款，今日呢6串就包括咗免治雞肉串、雞翼、雞心、雞頸、青辣椒、鵪鶉蛋，而我自己最鍾意就係雞心同雞頸，前者好有咬口，而後者雞味好濃，仲有少少軟骨好有口感。 三重縣產岩蠔：呢隻岩蠔勁大隻，非常震撼，肉質豐厚彈牙，味道清甜無腥味。喺蠔上面加咗少少蔥花，唔需要太多嘅調味，就可以食到岩蠔嘅鮮味。 自家製雞肝醬配多士：雞肝醬係自家用雞肝同牛油熬製而成，質感幼滑細緻，味道濃郁香甜，呢度仲會喺雞肝醬表面做咗一層焦糖，味道更香甜，令人更容易接受，而多士係用法國包做成，烘得香脆，食嘅時候自己塗上一層厚厚嘅雞肝醬，非常滿足同邪惡。好適合同清酒或者啤酒一齊食。 明太子煎蛋卷 ：蛋卷厚身滑嫩，蛋味濃郁，而蛋卷入面嘅明太子多到爆，鹹香微辣，非常惹味。 #尖沙咀 #居酒屋 #日本菜 #Akoya #三文魚三文魚子燒飯團 #雞湯卡邦尼拌鳥冬 #明太子煎蛋卷 #海膽汁燒蠔 #免治雞肉串 #提燈 #foodie ##food #foodpic #foodphoto #yum #yummy #delicious #tasty #大口仔在尖沙咀