狗狗🍠賞櫻🌸

今次同大家介紹嘅，係位於東涌最新嘅賞櫻打卡熱點~ 2月6號正式各外開放~   地址：赤鱲角南路近觀景山 開放時間：24小時 收費：免費   今次我帶咗番薯去呢度打個卡，我哋係一早去嘅~ 不過都已經好多人喇！ 因為帶住番薯，我哋就係CALL車去嘅~ 而落車地點係可以直接SEARCH 「東涌櫻花」就得架喇！而最近可落車位置，就係對面嘅SHELL加油站喇！   我哋係閒日嘅早上去嘅~ 已經好多好多人喇！可能大家都知道花期🌸好短(通常係6-9日)，要好好把握機會，都啱嘅~! 當然我去過日本同台灣賞過櫻，但係帶住番薯，喺香港都影到櫻花🌸，都已經很不錯架啦~!!   呢度大約有一百棵櫻花左右啦！行入D會再少人D同埋茂盛D架！ 櫻花新聞係大約喺2月8號左右先大肆報道，其實而家已經開始一D人流管制嘅~ 如果大家想避開人群，真心建議朝早7-8點左右已經要去~ 當然，你唔會早得過東涌居民晨運過去跑步架喇！但至少人潮未有咁快到先~       最最最特別，就梗係對上影埋個纜車啦~ 我哋去嗰陣，纜車已經開緊架喇！     靚靚~           先提提大家，其實如果想帶狗狗去打卡，會預咗有個保安會同你講唔入得，但佢都只係講下，大家都記住要好好睇住自己嘅狗狗，唔好對其他賞花客造成騷擾就得喇~ 最好抱到嘅就抱住狗狗，唔好俾佢周圍走喇！   另外最最最緊要，大家影相還影相，千其唔好掂D櫻花🌸，佢哋好脆弱架！我見到有D大嬸想拎住D櫻花枝影相，但其實D櫻花枝一掂，D櫻花已經準備跌落地了。難得有個賞花新景點俾大家行下影下相，大家都麻煩手仔乖D，唔好亂掂啦！   #櫻花 #賞櫻 #東涌 #狗狗 #打卡 #香港賞櫻 #櫻花樹下 #玩樂好去處 #狗狗好去處 #東涌好去處 #狗狗賞櫻 #狗狗打卡 #狗狗打卡熱點 (此文章由U Blog 同步發佈至社群)