2025/03/07

超邪惡💚日式芭菲

nana's green tea 🍵 之前經過Nana 舖頭門口,見到櫥窗放滿勁多款芭菲同特飲,超吸引!放假日捉埋玉子去食!🤭 餐廳採用黑､白及灰暖色為主調,配以掛畫裝飾,簡約又有型格｡ 💚明太子大葉豆乳芝士意大利飯 $148 賣相粉紅色,超有少女感💕 豆乳夾埋芝士嘅醬汁,入口濃郁,每一啖都充滿住濃厚嘅奶香味｡鹹香嘅明太子搭配爽嫩雜菌,以及清新嘅紫蘇葉,平衡返成個口感,完全冇漏嘅感覺｡ 💚鮭魚昆布絲柚子胡椒茶漬飯 $88 鮭魚肉碎鬆軟,入口鹹香鮮美｡旁邊放上昆布絲,帶有淡淡嘅海水味｡將壺中熱辣辣嘅鰹魚湯倒入碗中,湯汁香濃鮮甜,連埋鮭魚同昆布嘅精華,吸晒入飯粒當中,啖啖都好好味｡半碟配有柚子胡椒,加咗少少落去,清新又辛辣,非常特別又惹味! 💚紅豆牛奶 $45 💚焙茶牛奶 $45 最近比較養生,我哋兩杯都嗌咗熱飲｡紅豆牛奶,超香紅豆味,牛奶又濃郁,味道唔會太甜,入口好滑溜｡焙茶牛奶,一送到埋嚟已經聞到好香焙茶嘅味道｡茶味香濃,散發出茶葉香味,入口帶有微微苦澀回甘及奶滑嘅口感｡ 💚抹茶蕨餅芭菲 $88 💚黑芝麻白玉芭菲 $88 萬眾期待嘅時間到啦,終於食芭菲喇! 芭菲每一層都好豐富, 用唔同嘅配料搭上去,逐層逐層食落去,慢慢食到杯底,會有著唔同口感同變化｡ 👉🏻抹茶蕨餅芭菲,頂層忌廉配上抹茶醬汁,旁邊放上煙靭嘅黃豆粉蕨餅,濃郁香甜嘅北海道紅豆蓉及抹茶雪糕｡雪糕濃郁,帶有苦澀甘甜｡慢慢食落去仲有牛奶味軟雪糕同脆片,緩解返上面嘅味道｡食到底會有抹茶凍｡ 👉🏻黑芝麻白玉芭菲,頂層忌廉配上焦香嘅焦糖醬,旁邊放咗Q彈軟糯嘅白玉,黑芝麻餡及黑芝麻雪糕｡超香濃,每一啖都充滿黑芝麻香味,甜而不膩｡中層一樣係有牛奶軟雪糕同埋脆片,食到底有黑芝麻凍｡ 📍九龍城協調道2號AIRSIDE B1樓B128號舖 #foodie #foodiehk #foodiehkgirl #日本餐廳 #nanasgreentea #hkfoodblogger #hkfoodie #香港美食 #啟德美食 #九龍城美食 #airside美食 #九龍城美食 #香港抹茶甜品 ...更多