豚肉生薑燒係一道好經典嘅日本家庭料理🇯🇵做法簡單，而且個醬汁送飯好好食😋只要跟住以下小貼士同步驟，大家都可以喺屋企煮到🎏日式居酒屋風味嘅豚肉生薑燒 🌟豚肉片唔洗醃，煎之前灑上鹽同黑胡椒，拍上麵粉即可 🌟加麵粉係為咗令豚肉片可以煎得微微焦脆，味道更加香 🌟建議用日本生姜，味道比一般嘅薑更香辣，而且比較多汁 🌟生薑燒味道較濃，適合配大量生椰菜絲一齊食，中和肥膩感🌱 ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ 🐷豚肉生薑燒📝食譜 🔸材料🔸 豚肉片 約250g 洋蔥 半個切絲 日本椰菜 半個切絲 鹽、黑胡椒 低筋麵粉 🔸調味料🔸 日本生姜蓉 2茶匙 日式醬油 3湯匙 味醂 2湯匙 料理酒/清酒 1湯匙 砂糖 1茶匙 🔹做法🔹 1. 豚肉片灑上鹽和黑胡椒，拍上麵粉 2. 下少量油開鍋，中火煎香至兩邊微微焦脆，盛起豚肉片備用（可用廚房紙印走鍋中多餘油份） 3. 放入洋蔥絲炒至半熟，加入豚肉片和調味料拌炒，最後煮至醬汁濃稠即可上碟，伴上椰菜絲味道更佳！