最近網上見到有朋友仔介紹呢間PHO,好鍾意食湯麵嘅我當然要去一試啦!佢嘅粉同埋用嚟沖飲品嘅水果都係由越南空運到港。
店舖位於旺角砵蘭街,店門外有搭棚工程,隔離有條後巷有啲垃圾堆積,排隊嘅衛生情況有啲差。由於店內只有10幾個座位,所以都等咗大約20-25分鐘先可以入座,不過唔知係咪因為店外街道衛生情況唔理想,所以打開門嘅時候都飛咗幾隻蚊入嚟🙈
職員會喺你排緊隊嘅時候出嚟落單,所以入咗之後都唔需要等好耐就有得食啦!
河內手切牛柳河粉 $87 😋😋😋😋/5
個湯好淡色但非常入味,湯底好濃好香,仲有好多葱同九層疊,好多層次,每個面都會跟油炸鬼比你浸湯食。牛柳方面數量好多食極都有,而且唔會覺得韌,不錯👍🏻
鮮蝦米紙卷 $65 😋😋😋/5
米紙好薄好煙韌,配埋個汁好夾
蒜香牛油雞翼 $80 😋😋😋😋/5
呢碟雞翼好貴,上枱嘅時候熱辣辣新鮮做起,面頭舖上好多炸蒜,而雞翼就比好多牛油包圍住,不過唔知係咪落咗蜜糖呢?食落雞翼邊位非常黐牙,呢個係唯一挑剔嘅地方
飲品方便叫咗越南熱情果梳打($30)同埋薄荷青檸梳打($32),不過不失。
整體評分😋😋😋😋/5
只係略嫌價錢比較進取
#社群請您睇音樂會 #香港 #美食 #HongKong #越南 #Vietnam #Pho #湯河 #foodie
求互相關注🙏期待你嘅下次分享🙌