無限時任食 高質台灣養生涮涮鍋🍲🤗
台灣養生涮涮鍋湯底有多達19款選擇 睇到心大心細👀 最後我哋就揀咗鴛鴦湯底 藥膳花膠雞 湯底濃郁滋補 仲有幾嚿花膠 雞件 紅棗黑木耳等等 感覺好養生🤗 藥膳椰子雞 椰子味好濃郁🌴 基本上啲餸唔洗點醬都沾有淡淡椰子香 鍾意🥥嘅朋友一定要叫
餐廳用QR code落單夠晒方便 而且一落單啲食物都好快就到💨 飲品櫃由大路嘅飲品汽水 熱飲 到自家製冷泡茶都有 私心推冷泡桂花烏龍🍵 另外一坐低佢哋都即時送上黃金地瓜條(台灣回憶get!) 除咗大路嘅甘梅粉 仲有海苔蕃茄麻辣俾你shakeshake🍟
台灣養生涮涮鍋吃到飽套餐有幾款靚牛靚豬套餐 我哋就揀咗 🐮方面有Prime Grade 安格斯牛肩脊 Prime Grade安格斯牛 極上Prime Grade霜降牛小排 牛味濃郁 油花分布平均🥩 打邊爐最鍾意就係食牛㗎喇 所以係咁encore 🐷方面就有西班牙無激素豬肉片同伊比利亞黑毛豬 大理石紋嘅脂肪分佈 油潤甘香 肉嫩多汁😋
平時大路嘅邊爐配料就當然有齊 仲有啲我未見過亦都無諗過可以用嚟打邊爐嘅新奇食物😆 例如芫荽燒賣 梅菜豬肉丸 黑松露墨魚丸 蟲草花餃子 米血糕等等 而且全部細細粒細細件 可以試多幾款都唔怕🍲
食到咁上下個人暖返 就係時候要食甜品😆 有超多款哈根大師 movenpick dreyer‘s 等等雪糕選擇 超滿足嘅一餐🤰🏻
#優惠 #折扣 ...
更多
下載 U Lifestyle應用程式
香港經濟日報版權所有©2025
