爆醬冬甩

今日睇在Kuromi份上，再加上係innisfree老顧客，去咗innisfree K11新店血拼。 因為innisfree K11新店開張，送咗張優惠券，可以換領Pinky Bakery冬甩一件。 見到價錢都覺得應該好好味，點知食咗更加喜出望外。 我係綠茶控，諗都唔諗就揀咗綠茶味。 第一啖咬落去，即刻爆漿。當時爆到塊面同手指都係，都幾狼狽，但係即刻忘記咗呢次咁lea hea嘅經歷，仲喺度傻笑，因為實在太好味喇。 第二下當然係馬上拎紙巾抹下塊面同手指。 第三下就覺得雖然係綠茶甜品，但係唔算太甜，唔算太多沙糖，卡路里肯定偏高但係應該唔會太高。 嗰一pat綠茶爆醬會永遠記喺我腦裏面，因爲我不惜犧牲少少儀態，喺大庭廣眾度舐手指，就係唔想嘥任何少少綠茶醬。 我埋完單之後，有另一位小姐都係買Kuromi維他命C套裝，我估佢食完冬甩之後，都會同我有同感。 今日覺得自己賺到啦，因為淨係呢一件咁好味嘅冬甩，只係個體驗都值返唔少，加上又有Kuromi，今日心滿意足喇。 提提大家：禮品供應時間及數量有限，先到先得，送完即止。而且必須即日食完。 個盒都設計得好靚架，不過我當時得一個人，又拎住成大袋戰利品，影唔到太多相。 甜品控同綠茶控都可以去試一試，我一定冇呃你。 #innisfreehongkong #donut #PINKY #k11artmall #食好西 #香港美食 #打卡美食 #hkfoodie #foodie #hkfood #foodiehk #甜品 #冬甩