2025/03/08

鍋霸4.5小時任飲任食火鍋放題

鍋霸吃到飽台式養生火鍋果日早上好熱，夜晚話會突然間好凍，經開旺角創興廣場就好想打邊爐，呢間火鍋店叫「鍋霸吃到飽台式養生火鍋」，呢間火鍋店之前喺佐敦食過，覺得佢哋湯底唔錯，食物又新鮮，所以今次經過創興廣場都要搵返呢間火鍋店，喺凍之前打打底，打個邊爐暖下身先返屋企！呢間火鍋店如果喺中午十二點開始入座打邊爐嘅話，一個價錢就可以任食4.5小時，我就揀咗Lv2「美國Prime Grade牛肩胛肉」，出面嘅自助區只有飲品區同醬料區，其他所有食物都要用QR code落單，落完單之後好快就上枱，店員收拾食具都好快，又唔會漏單，服務非常好！肉類有Prime Grade美國安格斯牛肩胛肉、西班牙無激素豬肉片、沙茶牛肉、爽滑豬肚、秘製台式雞件、牛柏葉、鹵水豬耳、鹵水豬大腸同鹵水雞腎！炸物有炸魚皮同響鈴卷！手工配料有手工三寶丸、手工墨魚丸、手工黑松露墨魚丸、手工黑松露墨魚滑、手工潮汕豬肉丸、手工梅菜豬肉丸、手工麻辣牛丸、手工牛丸、手工白菜豬肉餃、手工韮菜餃、手工香菇雞軟骨餃同手工麻辣粟米豬肉餃！丸類有麻辣貢丸、花之丸、香菇貢丸、芝士包（流心）、濃汁牛丸、爆醬濃芝士牛丸（流心）、芋頭貢丸、魚包蛋（蟹粉蟹子丸）、白魚蛋、魚片頭等！海鮮有游水海蝦、脆鯇魚片、脆骨腩、白鱔片、花膠片、帆立貝同深海魚柳！仲有好多火鍋配料、蔬菜類、麵類同甜品（雪糕每人只限叫一杯）等！湯底就揀咗鴛鴦鍋湯底，不過需要另加$48，揀咗藥膳養生花膠雞涮涮鍋+藥膳椰子雞涮涮鍋，湯底配料好足料，花膠同雞件勁多，藥材味唔會太濃，椰汁味好香濃，極度推薦大家揀呢兩個湯底！以下係我推介之選： 1.Prime Grade美國安格斯牛肩胛肉（9.5/10）呢個Prime Grade美國安格斯牛肩胛肉切得好薄，食落好嫩滑，好有牛味！ 2.游水海蝦（9/10）呢個游水海蝦好鮮甜，肉質好彈牙！ 3.脆鯇魚片（9/10）呢個脆鯇魚片切得好薄，唔會食到有骨，唔錯！ 4.白魚蛋（10/10）呢粒白魚蛋好鬼大粒，咬落好彈牙！ 5.足八吋長蟹棒（10/10）呢個足八吋長蟹棒夠曬長，有少少蟹味，出面買都幾貴下！ 6.濃汁牛丸（10/10）呢粒濃汁牛丸好彈牙，好有牛味！ 7.手工三寶丸（10/10）呢個手工三寶丸叫哂三款唔洗煩，可以食哂三種手打丸，三種手打丸都好新鮮同彈牙！ 8.羽衣甘藍（10/10）好少火鍋店會有任食羽衣甘藍，出面賣羽衣甘藍都幾貴下，一見到就點，非常新鮮！ 9.皇帝菜（9.5/10）呢個皇帝菜好新鮮，咬落唔覺得太老，唔錯！ 10.超甜粟米（9.5/10）呢個粟米真係好甜，平時打邊爐我都唔會食粟米，驚粟米皮痴牙，呢個粟米唔會痴牙，好掂！ 11.花膠片（9.5/10）呢個花膠片都算大片幾厚，厚得嚟唔會好硬未熟果種感覺，值得叫，補補骨膠原！ 12.蜂巢豆腐（10/10）見到有蜂巢豆腐我都會叫，雖然無普通豆腐咁滑，但蜂巢豆腐可以吸到少少湯底汁，呢個就係蜂巢豆腐好味嘅地方！ 2人總共價錢$554.4，其他有加一服務費！個人口味總評分：9.66/10 @hotpotkinghk 地址：旺角彌敦道601號創興廣場4樓 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #鍋霸吃到飽台式養生火鍋 #香港美食 #旺角美食 #旺角好去處 #創興廣場 #吃到飽 #火鍋 #藥饍 #養生火鍋放題 #足料火鍋 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #旅行手信推介 #我想食buffet #嗚啦吔哈 #浪漫旅人祭 #金像獎請睇戲 #旅行都要先乳後水 #精簡護膚攻略 #主子請慢用 ...更多