百幾蚊就食倒A4和牛！

慕名而來食和牛沾麵😍 旺角有一間都幾多人排隊嘅拉麵館。餐廳門面已經好有日本風情，大門旁邊有許愿掛牌牆。內部係全吧台設計，傳統日式小店嘅裝修格局，好似去咗轉日本食拉麵咁，氣氛好好🥰👍🏻 佢哋有拉麵同沾麵選擇，其中最大賣點係佢哋嘅慢煮A4和牛叉燒！🤤 淨係聽個名已經想試！湯底選擇都唔少，除咗招牌嘅濃蝦湯同雞白湯，仲有魚介湯、香蒜醬油湯同埋黑蒜濃湯。以拉麵小店嚟講，選擇算多元化👍🏻 ============ヽ(○´∀`)ﾉ♪ 🍜慢煮A4和牛叉燒雞白湯沾麵 $168 ✰ A4和牛叉燒果然名不虛傳🤤 半生熟嘅慢煮和牛叉燒油脂豐富，肉質軟嫩。 ✰我選擇咗雞白湯，雞白湯用薩摩雞熬製，以熱辣辣嘅石鍋奉上，非常香濃嘅雞湯味，由於用於沾麵所以比較杰身，食完麵可以叫店員加清湯飲埋個湯㗎😍 ✰半熟糖心蛋都好出色👍🏻 🍜霜燒美國安格斯牛小排魚介湯沾麵 $148 ✰慢煮安格斯牛小排一樣好出色👍🏻份量好多有大概6-7片。 ✰魚介湯非常鮮甜香濃。石鍋夠熱上檯時仲係滾起狀態。一樣食完麵之後加清湯可以飲埋個湯😋 🫑沖繩苦瓜餃子 $48 ✰如果鍾意食苦瓜嘅話，必食呢個苦瓜餃子，係苦瓜+豬肉餡料，呢個配搭好新穎，估唔倒咁好食。 ✰餃子外皮煎得香脆，咬落去外脆內軟好Juicy，苦瓜甘香。 🥤另外呢度嘅可樂係玻璃樽仔可樂🥰 一直對玻璃樽可樂情有獨鍾，加分項👍🏻🤣 如果想飲啲日式風味少少嘅飲品，呢度都有波子汽水、日本水果製果汁同埋日本酒類😌 Instagram : @lovelykawaii_missmeow https://instagram.com/lovelykawaii_missmeow 阿久根和牛拉麵屋 📍地址：旺角廣華街13號廣輝大廈地下1號舖 #蕃薯妹周圍食#2023日常#食咗先講#打卡美食挑戰#hkfood #hongkong #japanfood #日本美食 #香港美食 #旺角美食 #美食 #旺角 #日本菜 #日本料理 #拉麵 #沾麵 #foodies #foodiesblogger #foodieshk #foodblogger #hkfoodieblogger #openrice #hongkongfood #hongkonggirl #foodpics #食好西