放假識食嘆黑毛和牛壽喜燒

食嘢食得招積,食牛陣都食得挑剔~ 所以去咗銅鑼灣呢間暫時全港最最最雅緻嘅牛陣度食lunch!😆 日式簡約環境非常寬敞舒適,氣氛悠閒😌 因為食量唔大,所以冇食放題~ 只係食咗午市涮涮鍋套餐~ 絕對係性價比高,質量同份量都非常好👍🏻 兩份套餐都有前菜同甜品~ 日日款式唔同~ 侍應都為我哋細心介紹每款前菜,同推介涮涮鍋嘅湯底特色~ 精緻是日前菜 ⭐️⭐️⭐️⭐️ 北寄貝沙律､鯖魚昆布､鮟鱇魚肝醬油豆腐三款前菜都係冷盤,擺盤精緻,入口清新~ 濃厚溜醬油壽喜燒湯涮涮鍋 (關東風壽喜燒) - 鹿兒島黑毛和牛 ⭐️⭐️⭐️⭐️⭐️ 套餐亦跟配一隻無菌蘭王蛋,食得開心之餘亦食得安心~ 講返最重要嘅鹿兒島黑毛和牛,真係非常新鮮鮮味~ 牛脂雪花分布均勻,色澤紅潤,喺壽喜燒鍋度涮一涮,再沾滿蘭王蛋汁,溫熱口感加上蛋香與肉香交融,肉質綿軟,真係好食到不得了~ ’極‘黃金鰹魚湯涮涮鍋 - 日本國產牛 & 北海道夢の大地豚跟野菜盛合 ⭐️⭐️⭐️⭐️⭐️ 其實揀完壽喜燒湯底之後就諗來諗去,唔知揀咩好,於是問侍應最推介邊一款湯~ 佢推介我哋揀’極‘黃金鰹魚湯,湯底清澈甘香,可以保留食材原有鮮味~ 果然湯底如實,金黃清香,可以食到各款野菜原有嘅味道,特別係粟米,好清甜~ 國產牛同大地豚亦食得出肉嘅鮮味,而且唔肥膩~ 又可以沾沾香蒜醬油､香蔥醬油,或麻醬,不同滋味互替,係味蕾嘅享受~ 配飯或烏冬都咁Ichiban~ 是日甜品:焙茶雪糕食飽飽之後梗係唔少得甜品~ 是日甜品係焙茶雪糕~ 焙茶味香濃程度誇張,似飲緊一杯壓縮焙茶,而奶味亦非常濃郁~ 正~ 餐飲:荔枝紅茶､青檸梳打荔枝紅茶同青檸梳打都唔會太甜,冰涼清新~ 晏晝時段可以由一點食到三點,唔駛食得咁趕急同催促~ 聖誕/新年,特別節日等,同親朋好友聚會都非常合適,可以慢慢傾偈~ 未食之前,都有玄米熱茶可以暖暖身~ 邊飲邊決定食咩好~ 過一個輕鬆愉快嘅中午~ #UCreator #打卡美食 #好去處 #chill #隱世打卡點 #打卡 #拍下珍貴時刻 #聖誕打卡 #幾飽都要食埋甜品 #聖誕驚喜 #wagyu #黑毛和牛 #涮涮鍋 #chill住食 #chillchill嘆 ...更多