高階西式韓國菜 椰子奶昔我至愛

小編今次嚟到西營盤，梗係為左搵啲好嘢食啦。今次就揀咗呢間，覺得好滿意，要同大家分享下😋 🐔Half Half 炸雞 $218 今次小編揀咗 芝士無骨炸雞🍗+ 無骨炸雞連炒年糕, 炸餃子和蔥絲。當小編諗住一般兩個味道份量梗係相對會少啲，點知一上枱真係嚇親小編啦，因為佢嚟咗兩大盤炸雞呀😍！分開咗兩盆唔同味道每一盤至少有八件，炸雞都幾嫩滑，完全冇骨啖啖肉之餘，芝士味仲帶少少辣。勁惹味！ 🍟烤牛肉泡菜芝士薯條 $98 薯條份量勁足。配埋燒牛肉同夾埋啲泡菜食，特別有Fusion嘅味道，而且味道香濃，啱晒薯條控🍟 🍙韓式飯團 $68 將調咗味嘅飯團搓到成個波咁，喺上邊加咗啲韓式紫菜拌飯，容易入口，而且唔覺得食緊飯，但係有飽肚，幾欣賞😆 🍹椰子奶昔 $55 超有驚喜！椰子味勁香勁濃之外，仲有啲雲呢拿味，令成杯奶昔又香濃又順滑，輕輕放左啲熱情果上面，成杯奶昔勁有質感！下次去，奶昔一定係必點item！ 總括嚟講，呢間抵食得嚟又大份又好味😋回頭機率好高呀🤩 安客蔥雞 📍西環西營盤高街59號地下D號舖 港鐵西營盤站 B2 出口, 步行約3分鐘 #foodiehkcouple西營盤 #foodiehkcouple韓式 #KTfoodie #hkfoodie#hkfoodies#foodiehk#foodhk#hkfood#hkfoods#hkfoodblogger#hongkongfoodies#hongkongfoodie#hkfoodlover#hongkongfood#foodiehk#香港美食#香港好去處#香港小店#週末好去處#夏日打卡挑戰#夏日打卡日常#情侶好去處#朋友聚會#香港美食指南#香港美食日記#香港美食#西營盤餐廳#西營盤好去處#西營盤美食#韓式餐廳#安客蔥雞#甜品係我嘅生命#2023咔嚓