餵塊面食NMN! Star Artisan NMN regeneration mask

除咗內服NMN，外塗NMN我一樣buy 一於試下日本製NMN面膜 Star Artisan NMN regeneration mask 有個咁嘅名，皆因佢至有名嘅功能係 妝前急救！ 廿幾歲人嘅妝前急救不外乎補下濕 但中女唔上妝，就唔係淨係補濕咁簡單啦⋯⋯ 補極都鎖唔到水，乾燥皮仔浮現卡粉， 乾紋細紋表情紋，毛孔粗大， 皮膚暗啞枯黃，一籃子數都數唔完… 所以勁想試加左NMN嘅面膜！ 之前有介紹過NMN有效激活抗衰老因子 主要功效係修復受損/老化DNA 敷面膜係直接餵塊面食NMN 應該比內服快見到改善🤭 可以喚醒肌底嘅DNA再生 點止補濕美白，直頭緊緻返啲毛孔 Keep住敷凍齡逆齡分分鐘都得！ 一塊有30ml精華 拎起塊mask第一印象係幾重手 敷20分鐘左右，我覺得啲精華夠敷埋頸 剪裁貼近亞洲人士面型 貼服，cover到全面 精華冇滴漏，mask唔會敷敷下移位 敷完按摩下吸收曬啲精華 我覺得佢屬於潤澤型面膜 敷完嗰種潤澤感可以keep到一晚 對於熟齡肌膚嘅我嚟講我係prefer呢種 敷完白左一度！ 我估呢種效果可能好多mask都做到 但STAR ARTISAN係維持到一日 唔係得幾個鐘貨仔嗰種 以中女之齡嚟講 我覺得如果一個星期可以敷到三次 係有visible嘅改善（即係同事都會留意到嗰隻改善） (此文章由U Blog 同步發佈至社群)