【鍋霸】養生火鍋放題套餐～真正無限時
冷風吹吹，想食番啲暖笠笠嘅嘢～今次同大家分享嘅係【鍋霸】推出嘅養生火鍋放題套餐！最啱一班老友相聚傾計食飯～ 最正係可以自己揀時間，可以揀120分鐘 / 加$40轉做無限時，唔使同時間競賽又唔使趕住食！
首先入座每人仲有小食奉送，分別香脆鹽酥雞同酥炸花枝丸，配埋四款調味粉：海苔、芝士、香辣同梅子粉，隨時轉換口味～
鍋底我哋揀咗藥膳沙茶牛肉鍋底，入口就感受到濃濃嘅沙茶香，仲要係藥膳底，養生功效滿滿～ 至於套餐就揀咗第二級: 美國 Prime Grade 極上牛頸脊 及 西班牙伊比利亞黑毛豬"～美國Prime Grade極上牛頸脊絕對係王者之選！呢個部位嘅油花分佈勻稱，肉質軟嫩多汁，一片片牛肉紅潤鮮艷，單睇都已經令人流晒口水！落湯滾一滾，肉質香味立即釋放出嚟，食落口即溶咁滑嫰🤤
仲有西班牙伊比利亞黑毛豬！每一片黑毛豬肉都有獨特嘅雪花紋，肉質鮮嫩，配搭火鍋湯底真係一流，油脂香濃但完全唔會覺得漏😋 除咗呢兩款肉，仲有其他精選肉類，例如沙茶牛肉、滷水豬耳、大腸、雞腎、豬肚、雞脾肉、牛柏葉等等...
套餐入面已包60多款火鍋配料任食，醬料同飲品都係無限添加，我覺得最吸引緊係海鮮類啦！脆骨腩都幾肥美，白鱔片質感夠滑！蟹柳、墨魚同埋蜆肉都係入門級必食之選～另外佢哋嘅手工丸餃系列亦值得一試！潮汕豬肉丸好彈牙，麻辣牛丸辣得過癮！至於韭菜餃同白菜豬肉餃都係我嘅心頭好，餡料夠實在🥟
平時見慣見熟嘅火鍋配料已經悶咗，今次呢間嘅配料menu真係令人眼前一亮，全部都係創新又吸引嘅特色款！金沙風味嘅魚蛋、香噴噴芝士配搭濃郁豆腐燒、質感特別嘅墨魚腐皮條... 泰國冬蔭功炸蝦丸一咬就爆汁、芋泥貢丸口感香滑、仲有魷魚羹同特製芫茜燒賣，全部都係平時火鍋店唔會見到嘅款式🤤 各位丸控，呢度啲丸絕對值得你專登嚟試！
全程用手機落單，飲品同雪糕系列仲要好驚喜，唔只設有暖櫃提供熱飲，雪糕仲要由Haagen Dazs到Movenpick，再到Dreyer's，三大品牌雪糕通通都有！
鍋霸吃到飽台式養生火鍋
@hotpotkinghk
(此文章由U Blog 同步發佈至社群)...更多
