修橋補路前要做嘅Paper Work

估不到有咁多文件要填，真係幾個鐘先填得完！ 1. 填報稅資料：Tax file No. : 要之前去相關政府部門網頁申請，用咗差不多一個月才寄到黎🙄 2. 選擇Superannuation fund: 不必多想，揀公司揀嗰隻，因為乜都唔識同埋未有其他account。遲啲住耐咗再睇下有乜其他選擇。老實講嗰隻fund performance 真係麻麻，但話各大銀行都有用佢。 3. 銀行帳號：澳洲有海量嘅銀行，碌個drop down menu 都碌到手軟。搞本地戶口又係啲極之煩氣嘅嘢，又要utility company 出嘅住址證明，又要有其他初嚟步到唔會有嘅文件…所以我放棄，暫時用返我由細到大喺英國用開嗰間銀行，暫時同佢斷捨離唔到。(不過呢間銀行有張叫everyday global 嘅debit卡返『鄉下』又用得，英國澳洲歐洲又用得。滙律底時入貨，外遊時唔使唱錢直接dood ，確實係幾唔錯嘅選擇) 4. Personal protective equipment order form : 免費工衣、手套、頭盔是常識吧。但工鞋係啲成千蚊嘅貴嘢！同puma 同價！完本想買puma 工鞋，而家慳返。啲澳洲size 同英國有啲唔同，睇conversion table 都睇咗好耐。 5. 報讀同工作有關課程及政府資助金：如白卡(香港叫綠卡)、架空電纜範圍証等等。 6. 報讀Rail Industry Worker registration。個課程係由Metro Trains Australia搞(原來呢間Metro Trains Australia係由三間香港人都應該識嘅公司聯營: MTR港鐵, UGL (UGL 五千萬事件應該全香港都有聽過啩)、John Holland (呢間公司應該有份起尖東站及柯士甸站。俾中交建買咗，但母公司好似俾美帝制裁緊)。真係唔知邊個勾結外國勢力同埋邊個滲透人地國家啦。 從文件來回嘅速度嚟睇，嗰邊公司啲人做嘢十分之有效律，同政府部門嘅工作態度好唔一樣，唔係我哋平時聽到嘅慢幾拍咁。 所有文件用網上app裏填及記錄。香港唔係做唔到，係commercial 班算死草係唔會浪費金錢用呢啲系統，就算同一間公司喺香港office都冇用。見工時被問到之前用過咩System/ App… 我答只有用過aconex。相信佢哋一定覺得香港好落後- 其實唔係落後，係cheap。 後記:不久之前上咗香港分公司happy hour （之前離開咗幾年都唔敢上去，而家算係公司同事所以誰怕誰), 同個GM 吹咗陣水，原來香港分公司都開始用咗呢system，亦好surprise 我會覺得澳洲啲人有效律😆GM 話之前捉我食飯遲到個腦細又會繼續係我個大腦細… Sxxt  最多唔出去食飯囉…反正嗰邊都唔興！ #澳洲搵工 #澳洲打工前準備 #職安真女子 (此文章由U Blog 同步發佈至社群)