2025/02/21

沖繩親子必到景點 x 沖繩兒童王國 x 動物 x 神奇博物館

對上一次嚟沖繩，我哋都有嚟到「沖繩兒童王國」（沖縄こどもの国），因為呢到實在太好玩! 今次我哋第二次嚟，都建議大家預留半日時間嚟呢到玩，如果夏天更要帶多套衫褲俾小朋友，因為佢哋新建玩口設施，小朋友一定會全濕! 呢到多嘢睇、多嘢玩之餘，15歲以下仲係免費入場，所以好抵玩呀! 「沖繩兒童王國」園區分為「動物園區」（Animal Zone）、「公園區」（Park Zone）兩區，其中「公園區」內仲設有遊樂園、神奇博物館等人氣設施，有室外亦有室內。「動物園區」面積佔全園區約二分之一，當中飼養了約150種、1,000隻來自沖繩本土、日本、至全世界嘅動物。再以動物種類再細分成「琉球弧」、「里山之迷宮」、「草食獸的遊樂場」、「獵人的潛入秘境」、「獅子場」5大主題區。遊樂區其中「Splash Park」係2024年暑假新建成嘅設施，以拱門式噴水、蠟燭式噴水、瀑布式噴泉、噴霧等助陣，水亦唔深。不過，夏天嚟玩，一定要帶多套衣物替換呀! 另外園內附費嘅遊樂設施，不過放心即使付費價錢都好平! ^ 400 円/人一次，一次都有超過5分鐘先完。 ^ 兒童電動車，揀啱車仔投入100 円/次就可以玩啦~如果係雙座位，仲抵玩! 可以坐2個人 (哈) ^ 旋轉木馬200 円/次 ^ 小火車200 円/次，都係小朋友指定必玩項目。其實日本都好方便，想玩遊戲可以直接從自助售賣機都買票參與，不過購買嘅時候要留意清楚人數及小朋友是否需要購票哦。神奇博物館（Wonder Museum）係沖繩唯一一間專為兒童打造嘅博物館，小朋友可以透過遊戲認識「科學」、「藝術」、「哲學」。從1樓到地下2樓的空間，每樓層都有唔同嘅互動主題。仲有一啲適合親子打卡嘅位置，都係好得意㗎。亦有戶外大型繩網陣，不過設施真係好高，家長要留意住小朋友玩樂安全呀。室內付費項目，可以自行選擇參唔參與。到收銀台同職員購買，就會提供所需物資自行創作匙扣。美食小吃攤「Snack Bar」玩到餓唔緊要，近正門口處就有美食檔。而且都有台櫈，可以坐低慢慢食。附近仲有唔少打卡影相留念嘅設施。最後當然唔少得，紀念品店啦! 園區內設有兩間紀念品店，一間位於動物園區內，唔算好大。另外有一間係較大，真係好多精品! 店外仲有付費抽獎遊戲，超開心呀! ^ 1,000 円/次，基本上係必中只係睇下你抽到一等、二等定係三等獎。收費: 16歲以上: 1,000 円 15歲以下免費【沖繩兒童王國（沖縄こどもの国）】地址: 沖縄県沖縄市胡屋5-7-1 (map code: 33 561 799*02) 開放時間: 平日: 9:30～18:00（最遲入場 17:00）週末假日：9:30～21:00（最遲入場 20:00） https://www.okzm.jp/ ----------------------------------------------------- 我哋發掘最新、至好玩嘅好去處呀。 https://www.facebook.com/80smami/ http://www.instagram.com/wagyubmami/ https://www.youtube.com/@Wagyubmami/ #沖繩親子遊 #hkmom #hkparentingblogger #沖繩兒童王國 #okinawa tip #和牛媽媽 #沖繩食物推介 #香港媽媽 #hkkol #沖繩必食 #沖繩餐廳介紹 #Okinawa #和牛B #親子旅行 #沖繩親子 (此文章由U Blog 同步發佈至社群)...更多