2025/03/10

藍帶廚師主理🍰 全日早餐+櫻花梳乎厘🌸 超抵食

👩🏻‍🍳 TERA 📍 佐敦廟街273-285號寶發大廈地下4號舖 🧇 全日早餐($118) 有大啡菇､煎腸仔､黑松露炒雞蛋､車厘茄､沙律菜､乳酪､牛油果,煙燻三文魚同窩夫,配料種類同份量非常豐富;窩夫厚身,外脆內軟,蛋香味濃;炒蛋炒得嫩滑唔老;牛油果絲滑細膩好creamy;乳酪係用左希臘乳酪加上甜嘅脆米,好易入口;可以食咸食之餘順便試埋佢哋嘅窩夫😆 🌸 櫻花梳乎厘($148) 有櫻花忌廉､櫻花果子､櫻花麻糬皮､糖漬櫻花､餐廳自製抹茶雪糕,紅豆同士多啤梨;梳乎厘色香味俱全,好厚身之餘空氣感十足,蛋香味濃;櫻花麻糬皮軟糯唔痴牙;自製抹茶雪糕抹茶味香濃而且仲食到微微抹茶本身自帶嘅苦澀配上香味嘅紅豆蓉同酸甜嘅士多啤梨,味道層次豐富;櫻花果子面頭放上糖漬櫻花,糖漬櫻花嘅微咸中和左果子嘅甜膩,味道啱啱好 🍨 雪呢拿雪糕($26) 凡嗌任何梳乎厘同窩夫,都可以以$26加兩球雲呢拿雪糕,雪糕幼滑,雲呢拿味香濃,不過雪糕溶化速度比較快 🍵 抹茶芭菲($98) 由雲呢拿雪糕､抹茶蛋糕､士多啤梨､抹茶醬､紅豆蓉､玄米粒､脆片,白玉､忌廉同朱古力醬組成,用透明高身杯盛載,食材一層層埋疊,賣相好吸睛,份量亦十足,抹茶味香濃,白玉軟糯Q彈,每一啖都有唔同口感層次😋 🍹 荔枝玫瑰梳打($36) 叫任何梳乎厘､窩夫或者主食,飲品可享減$12優惠;荔枝玫瑰梳打味道偏甜,第一啖飲落口荔枝味道比較突出,玫瑰味道相對較淡,梳打好夠氣好清爽 🥥 山茶花桂花椰子冰($52) 雖然佢叫椰子冰但其實佢係椰子水;椰子冰味道清甜,椰香味重,之後到山茶花桂花味道滲出,兩者味道估唔到咁夾而且又唔會搶左對方嘅味道,而且甜度相對荔枝玫瑰梳打低,適合唔飲太甜嘅朋友 #芭菲 #窩夫 #梳乎厘 #PANCAKE #Dessert #ucreator #打卡美食 #香港美食 #相機食先 #ucreatorhk #foodie #hkfoodie #港玩港食 #tera寺 #TERA #佐敦cafe #佐敦美食推介 ...更多