【青衣】一個人都可以獨享酸菜魚

酸菜魚就係要一大班人食先得；唔知大家係唔係都會有呢一個感覺，每次想食酸菜魚但係又搵唔到朋友陪自己一齊食，一個人又食唔晒，所以迫於無奈要食其他嘢🤭依家終於俾我發現一間一個人都可以食酸菜魚嘅餐廳 老壇酸菜湯鱸魚片 $78 推薦指數💥：🌝🌝🌝🌝🌚 唔好以為一個人嘅酸菜魚份量就好少，其實魚肉嘅份量都好多，而且都好嫰滑，仲要係冇骨架！另外可以揀多兩款配菜，我今次就揀咗萵筍同金針菇，兩樣都好入味，主食我就揀咗薯粉，超正！ 蕃茄濃湯肥牛 $77 推薦指數💥：🌝🌝🌝🌝🌚 因為朋友唔食辣，所以就叫咗番茄濃湯，同樣都係份量超多，一個人食會食到超級飽；朋友就揀咗金針菇同娃娃菜，娃娃菜配蕃茄湯又係無敵🤤不過有點後悔叫了薯粉，因為這個配飯食一定會更加棒🤩 紅糖糍粑（半份）$28 推薦指數💥：🌝🌝🌝🌝🌝 其實兩個都已經好飽，不過我又忍唔住想食，好彩有得叫半份，糍粑食落煙煙韌韌，配搭紅糖一齊食，就算再飽都可以食多幾件🤤 熱奶茶☕️和凍檸茶都係合格水準，不過熱奶茶個杯好似一隻碗🤣🤣 ✨整體來講，想食酸菜魚但又冇人陪嘅話呢一間係一個好好嘅選擇，除咗酸菜魚之外，佢哋其實仲有好多其他選擇，而且分店都好多，幾值得一戰 📍魚眾不同酸菜魚 地址💬：青衣担杆山路6號長發廣場3樓317號舖 #打卡美食#中菜餐廳#美食推介#香港美食#新界美食#打卡相我攞獎#您去玩我找數#香港探店#酸菜魚#青衣美食