一個位於銅鑼灣既高質素美容院

又到聖誕，當然要做返個靚靚Facial去見人！ 今次黎到VONIQUE, 喺門口已經見到個好大嘅接待處，仲有棵聖誕樹，裝飾得好靚，好有節日氣氛！ 職員都好有禮貌，第一次上黎佢會帶你行一次成間美容院，因為真係好大，冇人帶路真係會蕩失路，而且佢既美容房同按摩房區域係分開嫁！ 室內有一個等候區，入面嘅茶水同雪櫃飲品都係免費飲用嫁，佢仲有一個戶外等候區，勁靚勁Chill，但我唔記得咗影相，我聽職員講出面有個暖爐，唔使怕凍親！😂 我今次揀咗按摩，入房前職員會先了解咗我嘅情況，再幫我選擇一隻適合嘅按摩油，當然都可以自己揀，但今次我交左比職員幫我，我比較攰，所以職員幫我揀咗隻放鬆心情嘅香薰按摩油。 入到房間有個衣櫃可以放嘢，張床一早已經開定咗暖氈，勁貼心！😍😍因為我真係好怕凍。 佢地既5位按摩師傅都係泰國人黎，但識講廣東話的，按摩手法好專業，成個過程好舒服，我仲訓著左，而且你唔同治療師講野，佢係唔會主動同你講野，真係比時間你靜靜地咁唞吓，所以我覺得好舒服😌 最後做完按摩，出到黎都可以揀下飲品，坐低唞吓。 當然最後都會入房同顧問傾下計，都會推薦一啲療程，不過如果話唔買，佢都會即刻放你走，唔會黑Sale，真心值得推薦👍👍👍👍 地點：香港銅鑼灣登龍街1號金朝陽中心2期3樓 #我想收到CHU聖誕擴香套裝 #我想收聖誕禮物 #美容療程#美容中心 #護膚#好物分享