有睇開我既Blog 既人就會知我長期旅伴系屋企人，特別系我媽媽。今個柬埔寨之旅前已經令我覺得媽父母老左好多。
我系屋企同兩老同住，但你長期唔會發現兩個老左。因為系屋企兩老就好似一個小朋友禁日日有活動，去買下野，行下，食下飯，睇下長期睇開既老人病。但一到旅行就知佢地真系老了，真系唔可以禁chur
事緣我的長期旅伴媽媽在3月中根膜發炎已經冇得選擇下取消左同呀姨的首爾旅行。早在上年我地就plan 左3月尾同兩老去柬埔寨睇吳哥窟，我選吳哥窟系因為我想在佢地兩老行到的時候睇多啲呢啲要步行多的地方
我知兩老都好期待去呢個trip, 我見佢都特登唔系香港四圍行養好隻腳，希望唔好去到當地行唔到。但岀發前我見佢隻腳都系成日好痛，我有提岀不如改期，佢話唔想。最後選擇睇多次醫生拎藥。
今次都系由韓國岀發經曼谷去柬埔寨
到尋日岀發，佢腳都系痛，但佢臉上既開心的表情完全蓋過佢痛既感覺。在第一段香港去韓國，佢都覺得冇特別唔舒服，只係有少少腳痛。我地去到韓國都就禁去左附近的酒店食飯，慢慢愈到夜晚佢腳痛就愈來愈嚴重
到尋夜坐飛機返香港，佢由LOUNGE 行去閘口，佢真系痛得好緊要，佢問有冇輪椅。我個下系反應唔到，同開始知道事件好嚴重。我即刻拎張輪椅推佢上機，當佢坐左系輪椅上，佢口中都系話: 因為未食藥所以好痛，冇事既！
但在心中已經不停諗呢個旅程系咪應該繼續？我不停同呀哥whatsapp 傾，媽媽的表情同對話系好想繼續，唔想因為佢的腳痛搞到大家冇得去，而且佢都想睇。所以我地決定照去，定時睇佢既情況，唔好行禁多
上到機坐系商務我不停諗，以前媽媽成日不停同我飛，又停同行路旅行。雖然全部商務，但佢都會累。到佢尋晚成功坐到上飛返香港的商務位，佢個安心，安穩的表情就知佢真系之前行去閘口好痛。口中話坐商務可以申腳就好可以，但其實佢已經好累好辛苦
佢心中好多地方想去，所以有時就算痛佢都想去，想玩。在我的心中，帶佢地兩老見識旅行都想佢地舒服禁去，以前都會同佢地衝行程，轉多幾次機。經過今次，我開始明同知道我地要令佢地更舒服去旅行，減少行禁多路，轉禁多機，令佢地真系舒服禁去。就算去的時候腳痛，都可以坐下休息下再行
在帶佢地旅行同時，又要令佢地舒服享受行程，呢個一定系我來緊最大挑戰。唔想因為佢的老而減低佢地接觸呢個世界去旅行的機會，因為要記住，呢個唔系佢地的錯，呢個系每個人都會經歷的事！
#旅行
(此文章由U Blog 同步發佈至社群)
痛並快樂著
