佐敦｜養生火鍋湯底｜五週年🎉彈性收費｜時間自主⏰
｢鍋霸｣我地食到已經系常客,佢哋出曬名系無限任食火鍋,｢鍋霸｣開幕五週年,依家仲可以自選時間,可以揀120分鐘或者無限時任食!無限時都系加$40就食到😆想食幾耐自己選擇✌🏻
｢鍋霸｣一共有三個級別可以選擇,我哋就揀咗第一級別｢Prime Grade 牛肩胛肉 及 西班牙無激素豬肉片｣,之前食過幾次,覺得啲肉已經唔錯😜
佢仲有其他選擇,包括: ｢美國 Prime Grade極上牛頸脊+西班牙伊比利亞黑毛豬｣(每四位額外送多一碟價值$168既手切安格斯prime grade 牛肉) & ｢極上Prime Grade霜降牛小排+西班牙伊比利亞黑毛豬｣(每兩位便送多一碟價值$168既手切安格斯prime grade 牛肉)｡
一共有20款唔同嘅養生湯底,如果想要鴛鴦鍋就+$48,我哋揀咗｢台灣養生花膠雞｣拼新湯底｢藥膳胡椒豬肚雞｣｡兩者嚟講我比較鐘意｢藥膳胡椒豬肚雞｣,啲胡椒味好出,食到最後都仲keep到胡椒濃湯底!
未食牛之前,餐廳先奉上小食~墨魚丸+鹽酥雞🤣 全部即叫即整~熱辣辣,仲有shack shack粉可以調味🧂
Prime Grade 牛肩胛肉,無論系顏色定系肉質,都幾新鮮,肥瘦相間,厚薄均勻!order幾多就真系俾幾多😌豬我地就冇叫~主要狂啪牛🐮😗
另外好推薦佢哋嘅海鮮,通常啲蝦我都系5碟5碟咁上!啲蝦通常都系大大只,唔會任食就揸流攤😀 出邊食一斤蝦都唔平,極度推薦🍤
佢哋嘅手工丸類,都系一流!我就比較鐘意手工三寶丸,每粒都系細細粒,可以食多幾款!
另外仲提嚇佢哋嘅牛丸~爆漿濃芝士牛丸(流心)呢粒牛丸唔系周圍都有,平時去街市買都要$4一粒🤣 呢度系任食,通常我都會啪返幾粒!而我老公就比較鐘意濃汁牛肉丸👍🏼
不得不提,佢哋飲品櫃,超多選擇😛識飲一定系飲佢哋嘅自家制冷泡茶🧊唔飲得凍嘢仲可以揀熱飲😌啱曬我哋啲女士!
最後記得食埋雪糕先好走😀個雪糕一樣系好高質✌🏻
✣ Prime Grade 牛肩胛肉 及 西班牙無激素豬肉片｣|無限時 $313|兩小時 $273...更多
