2024/06/20

Belly Go Round- Tsuzuku

. Tsuzuku (食於2022年12月20日) 銅鑼灣希雲街33號地舖 ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 🍴美食資訊🍴 🐤烤雞胸檸檬青醬忌廉扁意粉 ($128) 青醬味好濃，扁意粉都好掛汁，然而唔係好覺有檸檬味🙈雞胸切到一片片好方便進食，而且唔會煮到好鞋/柴，係少見嘅嫩滑雞胸肉🐥 🍔Tsuzuku竹炭漢堡配黑松露薯條 ($163) 我地係加$15升級做黑松露薯條。簡單黎講就係煎蛋牛肉漢堡包🤣冇咩特別🙈略嫌啲薯條炸得唔夠脆同熱🫢 🫘北海道紅豆火鍋 ($158) 哩個甜品係期間限定，下午三點後先開始供應。火鍋餐包括有兩塊最中餅（熊仔同蘋果造型）、兩串白玉、一塊牛角窩夫、兩舊司康餅（原味同抹茶味）同浸左落紅豆火鍋入面嘅年糕。起碼兩個人以上先好叫，十級飽肚😂🤰🏻佢啲紅豆湯唔會話好甜，雖然已經煮融曬但係都可以食到一粒粒紅豆嘅口感，好綿密♨️幾有特色同和風味濃。 🍵Minoshirakawa Hojicha Latte ($50) 細妹之選。焙茶味頗濃，選用左美濃白川茶，所以調製出黎寧捨香🤤不過可能因為咖啡因關係，細妹當晚飲完之後失眠🤣🤣 🍫75% Cocoa ($50) 選用屢獲殊榮嘅可可粉，飲得出個味道同層次都比較豐富。唔會話死甜同埋會有少少回甘。 ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 👑評分味道：3/5 環境：3.5/5 價錢：3/5 份量：4/5 服務：4/5 推薦度：3/5 位於希雲街最入嘅位置，比較隱蔽。可能我地果晚比較夜食，所以冇咩人，兩條友霸左一張大檯，同場食嘅似乎都係熟客，叫一兩杯野飲純飲野傾計多。服務員唔多，但係都好主動serve你👍🏻頗適合談心同想靜靜享受me time嘅人📖☕️ ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 小日記💚：鄰近聖誕節，決定請細妹食餐聖誕dinner🎄咁啱果晚係銅鑼灣收工，直落匯合個衰妹再一齊食bookmark好耐嘅紅豆火鍋🤪我地兩條友最後食到飽到懷疑人生😂🤰🏻🤰🏻 by 肉公主👸🏻 📍銅鑼灣 👻肚子開門（ig）：@hk.tsuzuku 💁🏻‍♂️💁🏻‍♀️Our ig：@belly_go_round #甜品 #日系 #咖啡廳 #冬季限定 #打卡 #和風 #銅鑼灣cafe #cafe #紅豆火鍋 (此文章由U Blog 同步發佈至社群)...更多